Aktualitet

Pas plagosjes me thikë të 17-vjeçarit në Sarandë, adoleshentët dhunojnë 3 persona në prani të policisë

Prindërit e viktimës akuzuan autoritetet për mosmarrje masash, duke theksuar se i riu me iniciale A.B., nuk është proceduar, ndërsa K.C., u la i lirë me detyrim paraqitje. Prokurorja Esmeralda Basho bëri “të intimiduarën” kur u pyet për masat.

22 Prill 2025, 21:22 Nga E. D

Pas plagosjes me thikë të 17-vjeçarit në Sarandë,

TIRANË- Para disa ditësh emisioni”Stop” në  Tv Klan transmetoi një ngjarje të rëndë në qytetin e Sarandës. Më 27 mars 2025, një 17-vjeçar u godit tri herë me thikë në bark nga dy adoleshentë, me iniciale K.C. dhe A.B., pas një konflikti për shkak të një vajze. Ngjarja ndodhi rreth orës 15:00, kur 17-vjeçari ishte në takim me të dashurën e tij dhe u ndoq nga autorët. Ky ishte sulmi i dytë pasi më 22 mars ata kishin goditur të riun me sende të forta, por ai nuk e kishte treguar këtë ngjarje nga frika.

Prindërit e viktimës akuzuan autoritetet për mosmarrje masash, duke theksuar se i riu me iniciale A.B., nuk është proceduar, ndërsa K.C., u la i lirë me detyrim paraqitje. Prokurorja Esmeralda Basho bëri “të intimiduarën” kur u pyet për masat.

Por skandaloz është fakti se grupi i adoleshentëve dhunues e ka kryer këtë akt në mënyrë të përsëritur. NMë 3 mars 2025 Rolandi Demçe dhunohet nga ky grup adoleshentësh bashkë me djalin e tij 13 vjeç me probleme në zemër dhe babain 71 vjeç. Dhuna ka ndodhur në prani të policisë Sarandë që ishte thirrur nga Rolandi për ndihmë. Në aktet e agresionit është përfshirë edhe një 33-vjeçar, Olsi Veliu.

Adoleshentët e dhunshëm sërish nuk janë ndaluar nga policia. Rasti është denoncuar dhe ka shkuar në Prokurori, por asnjë masë nuk është marrë. Rolandi nuk është thirrur asnjëherë, edhe pse ka bërë kërkesë me shkrim në Prokurorinë e Sarandës./tvklan.al

Sondazh

Poll

MË SHUMË