Politike

"I lashë Dumanit një mesazh", Berisha jashtë SPAK: McGonigal çdo ditë i çon mesazhe nga qelia Ramës

Ai tha se më 11 maj, shqiptarët duhet të votojnë për ta çuar Ramën pranë tij. 

21 Prill 2025, 09:15 Nga r.ll
"I lashë Dumanit një mesazh", Berisha jashtë SPAK:
sali berisha

TIRANË- Kryedemokrati Sali Berisha tha sot për gazetarët se i kishte lënë sot një shënikm kryeprokurorit Altin Dumani, ku thuhej se mbyllja e aferës "McGonigal" përbën krim ndërkombëtar.  Berisha u shpreh më tej se McGonigal i çon mesazhe kryeministrit Edi Rama çdo ditë nga qelia. Ai tha se më 11 maj, shqiptarët duhet të votojnë për ta çuar Ramën pranë tij. 

"Por aty, Dumanit të Ramës, i lashë një shënim. Mbyllja e aferës McGonigal nga Altin Dumani përbën një krim ndërkombëtar. Krim ndërkombëtar! Dhe e garantoj Edi Ramën se asgjë në botë nuk e do mund ta shpëtojë nga kjo aferë e tmerrshme, me të cilën ai korruptoi njeriun kryesor, që sipas gjykatësit amerikan, kishte detyrë të mbronte qytetarët amerikanë nga korrupsioni, por u korruptua vetë duke marrë paratë e Edi Ramës. Dhe për dijeni të shqiptarëve, tani McGonigal, çdo ditë në qeli i çon nga qelia mesazhe Edi Ramës. Unë vërtet i mora paratë, thotë ai, por ato m’i dhe ti, me të cilat më komprometove. Kështu që pritet vota e shqiptarëve më 11 maj që Edi Rama të shkojë te McGonigal ndoshta javën e parë.", tha Berisha. 

I pyetur pse nuk lexoi sot përgjime të SKY ECC si herët e tjera, ai tha se materiale të tjera kishte plot. Berisha tha se çështja e inceneratorëve në gjykatë, ishte një nga aktet më të turpshme në histori.

Jo, materiale kam plot, po sot ndodhi ajo që ndodhi. Siç e dini ju, çështja e inceneratorëve shkoi për pesë para në gjykatë, një gjë e turpshme, një nga aktet më të turpshme në histori, kur humbja e 130 milionë eurove u kualifikua një vepër sikur të kishin humbur 10 mijë euro apo sikur të kishin vjedhur një kotec pulash siç e tha një kolegia juaj.", tha Berisha. 

sali berisha ne spak

Sondazh

Poll

MË SHUMË