Sport

Sacchi: "Po të isha si Roma dhe Milani, do t'i bëja një telefonatë Ancelottit"

Ish-trajneri i njohur, Arrigo Sacchi, jep një opsion interesant për Ancelottin, i cili tashmë po largohet gjithnjë e më shumë nga Real Madrid

19 Prill 2025, 15:30 Nga DOSJA

Sacchi: "Po të isha si Roma dhe Milani, do t'i bëja një

ITALI - Eliminimi nga Arsenali në Champions League mund t'i kushtojë Carlo Ancelottit pankinën e Real Madridit. Në Spanjë janë shumë të sigurt se aventura mes trajnerit të Parmës dhe Blancos ka përfunduar. Dhe nëse Brazili e lejon, ai mund të ketë një rikthim të bujshëm në Serie A, sipas ish-trajnerit më të suksesshëm italian në histori.

Janë dy skuadra që mund të jenë në të ardhmen e tij dhe që kanë histori në të kaluarën e tij: Roma dhe Milani. Të dy janë në kërkim të një trajneri të nivelit të lartë për të rifilluar dhe Ancelotti mund të jetë me të vërtetë zgjedhja e duhur për ta. Pa harruar se ai vetë ka treguar se verdhekuqtë dhe kuqezinjtë janë si dy bluzat e tij të preferuara.

Nga ana e tij, Arrigo Sacchi është shumë i qartë se çfarë duhet të bëjnë Roma dhe Milani. "Nuk e di se çfarë do të bëjë Carletto. Më duket se Federata e Futbollit Braziliane ka qenë në kërkimin e tij për një kohë dhe mundësia për të luajtur për një Botëror në stolin e Seleçaos është joshëse.

Në çdo rast, nëse do të isha drejtues i Milanit ose Romës, do t'i telefonoja Carletto: nuk kushton asgjë", tha ish-trajneri për Gazzetta.

Mbi të gjitha, hipoteza e Romës është më e popullarizuara: "Carletto, futbollisti, është pjekur te Roma. Ai është shumë i lidhur me qytetin, është i dashur nga tifozët.

Kur e desha te Milani, ai ishte kapiteni i verdhekuqve, dhe rrëmbimi i tij nga presidenti Dino Viola ishte çdo gjë tjetër veçse e lehtë. Për të, edhe pse me thinja do të ishte sikur të kthehej një djalë." Dhe përsëri: "Vëre në vështirësi? Po tallesh?

Carletto është dikush që nuk kishte frikë edhe kur u gjend përballë një ariu gjatë një pushimi në Kanada... Jam i sigurt se, nëse miqtë që ishin me të nuk do t'i kishin thënë se ishte më mirë të largohej, Carlo do të kishte bërë miqësi me ariun. Ai është një burrë i vërtetë për ta dashuruar të gjithë."

B.T (Dosja.al)