Sport

Ja sa përfiton Interi, për kalimin në gjysmëfinale të Champions League…

Inter mundi Bayern Munichun në çerekfinalet e Champions League: Ja sa fitojnë zikaltrit duke shkuar në gjysmëfinale, ku do të takohet me Barcelonën

17 Prill 2025, 08:00 Nga DOSJA

Ja sa përfiton Interi, për kalimin në gjysmëfinale të

ITALI - Një ndeshje kthimi rrahëse e zemrës në San Siro, ku Interi arriti një sukses jo vetëm sportiv, por edhe financiarisht të rëndësishëm.

Skuadra e Simone Inzaghit ka eliminuar Bayern Munichun, pas barazimit 2-1 në ndeshjen e parë çerekfinale të Champions League dhe barazimit 2-2 në atë të kthimit.

Në ndeshjen e kthimit, gjermanët kaluan në avantazh falë golit të Harry Kane. Lautaro Martinez më pas barazoi menjëherë, me Pavard që më pas shënoi golin e epërsisë për zikaltrit me një goditje me kokë nga këndi. Bayern Munich më pas barazoi 2-2 nga një tjetër kënd.

Megjithatë, rezultati nuk i mjaftoi skuadrës të Kompany për të shmangur eliminimin, pavarësisht rrethimit përfundimtar në zonën e penalltisë së zikaltërve.

Një sukses i rëndësishëm edhe nga pikëpamja financiare. Interi me këtë fitore u kualifikua në gjysmëfinale, ku do të përballet me Barcelonën.

Po sa fitoi Interi duke kaluar në gjysmëfinale?...

Interi kalon në gjysmëfinale duke mposhtur Bayern Munich me dy ndeshje në Allianz Arena (2-1) dhe San Siro (2-2). Një moment historik që sjell një total prej rreth 15 milionë eurosh në arkat e klubit zikaltër, sipas vlerësimeve të Calcio e Finanza.

Deri më sot, Interi ka fituar tashmë rreth 98.5 milionë euro në Champions League 2024/25. Një rrugëtim, ai i zikaltërve, që ka sjellë deri tani kënaqësi të madhe teknike dhe sportive, por që mund të kthehet edhe në një injektim të shkëlqyer likuiditeti për klubin.

B.T (Dosja.al)