Politike

"Rama e pranoi se nuk ka projekt!" Berisha: Edhe Nokia tentoi ta kopjojë Apple, por dështoi!

Ai e akuzoi Ramën për kopje duke e krahasuar me rastin e kompanive të mëdha Nokia dhe Apple.

12 Prill 2025, 18:56 Nga M.B
"Rama e pranoi se nuk ka projekt!" Berisha: Edhe Nokia tentoi ta
Sali Berisha

TIRANA- Kreu i Partisë Demokratike Sali Berisha tha sot në Pallatin e Kongreseve teksa nisi prezantimin e programit se kryeministri Edi Rama po sot pranoi se nuk ka projekt. Ai e akuzoi Ramën për kopje duke e krahasuar me rastin e kompanive të mëdha Nokia dhe Apple. Sipaa tij, edhe Nokia tentoi ta kopjojë Apple, por dështoi.

Pjesë nga fjala e Berishës:

Miqtë e mi, dy ditë Shqipëria përjeton një festë të vërtetë. Përjeton festën e shpresës, festën e optimizmit, festën e dinjitetit, festën e cila është e gjithë energjia e fitores së 11 majit. Sot ne jemi mbledhur këtu për të prezantuar një projekt që në 34 vite, Shqipëria nuk e ka pasur kurrë ndonjëherë. Një projekt aq i mirë, sa edhe PS, e cila qeverisi 12 vite me mashtrime me vjedhje, u kthye ta vlerësojë, të vjedhë dhe ta kopjojë.

Ndonëse kundërshtarët politikë, Edi Rama e pranoi se nuk ka projekt, apo më mirë të themi, projekti i tij është vetëm dora për të vjedhur. Por miqtë e mi, kopja mbetet kopje e shëmtuar. Asnjë nuk gënjehet. E mbani mend, Nokia tre dekada më parë ishte në zenitin e teknologjisë, por Apple nxori iPhonen e parë, shumë herë më lart se Nokia. Nokia tentoi të kopjojë iPhonen, dështoi. Apple nuk ia përmendi kurrë kopjen Nokias, por vazhdoi të përmirësojë iPhonen e saj. Sepse kopja mbetet kopje, nuk rritet, nuk shitet, nuk pranohet.

sali berisha

Sondazh

Poll

MË SHUMË