Sport

Guardiola paralajmëron: “Do ta shihni kur të kthehet Rodri, do ta shihni…”

Trajneri spanjol foli në konferencën për shtyp para ndeshjes kundër Crystal Palace.

12 Prill 2025, 12:30 Nga DOSJA

Guardiola paralajmëron: “Do ta shihni kur të kthehet Rodri, do

ANGLI - Manchester City i Pep Guardiolës po kalon një kohë shumë të errët. Nga fitimi i Ligës së Kampionëve tek lufta për një vend në “Top 4”-shen e Premier League.

Dëmtimi i Rodrit ka ndikuar tek ‘blutë e qiellit’. “Do ta shihni kur do të kthehet Rodri, do të shihni...”, tha trajneri katalanas duke qeshur dhe me ton kërcënues.

Fituesi aktual i “Topit të Artë” pësoi një çarje të ligamentit të kryqëzuar të përparmë në gjurin e djathtë. Kjo do të thoshte se e gjithë fushata aktuale ishte e humbur. Një goditje e fortë që City nuk ka mundur ta asimilojë. Rezultatet janë provë për këtë. Dëmtimit që po kalon mesfushori spanjol po i vjen fundi dhe së shpejti do ta shohim me pantallona të shkurtra.

Jo vetëm që dëmtimi i Rodrit ka qenë një goditje për Pepin, por gjatë gjithë sezonit ‘Qytetarët’ kanë pasur një infermieri të plotë. Në konferencën për shtyp para ndeshjes së sotme kundër Crystal Palace (13:30), një gazetar e pyeti menaxherin nëse kishte lëndime të tjera.

"Për momentin, jo. Epo, Phil Foden është i dyshimtë për nesër për shkak të dëmtimit që mori në Old Trafford. Pjesa tjetër janë mirë, përveç Haaland, Akanji, Stones dhe Aké. Dhe Rodri, më fal," përfundoi Pep.

B.T (Dosja.al)