Sport

Leo Messi aksioner te Inter Miami? Oferta është bërë nga ‘bosi' skuadrës...

Jorge Mas zbuloi në një radio planet e tij të ardhshme për Lionel Messin, nëse argjentinasi nuk vazhdon të luajë futboll.

11 Prill 2025, 20:00 Nga DOSJA

SHBA - Lionel Messi ka vendosur të largohet nga futbolli evropian, duke u transferuar në MLS në verën e vitit 2023, për llogari të Inter Miami .

Kontrata e argjentinasit skadon në fund të sezonit aktual dhe të gjithë në klub duan ta mbajnë atë me çdo kusht. Sigurisht që ai vetë mund ta rimendojë, pasi ka deklaruar se dëshiron të luajë në Botërorin 2026 në SHBA.

Pronari i skuadrës, ‘bosi’ Jorge Mas, në një intervistë për radiostacionin “FDP radio”, ka bërë zbulime në lidhje me kontratën e Leo Messit, duke theksuar se janë në pritje të përgjigjes së tij në 2-3 muajt e ardhshëm.

"Të gjithë yjet janë rreshtuar për shumë gjëra të mira, një të ardhme të mirë për skuadrën, për Lionelin. Është thjesht vendimi i tij. Parashikoj që në 60 deri në 90 ditët e ardhshme do të jemi në gjendje ta sqarojmë këtë, sepse, padyshim, planifikimi i ekipit është shumë i rëndësishëm, me ardhjen e merkatos, ndërkohë që ne po marrim pjesë edhe në Kupën e Botës së Klubeve që po afrohet.

Leo Messi aksioner te Inter Miami? Oferta është bërë nga

Ka qenë gjithçka që bëjmë, që është të shohim Lionel Messin në stadiumin tonë të ri në vitin 2025 dhe shpresoj që kjo të ndodhë me Lionelin për të ardhmen, dhe unë e kam thënë shumë herë, për sa i përket konkurrencës.

Dhe është e mrekullueshme të shohësh se lojtari më i madh i të gjitha kohërave nuk e ka humbur atë pasion. Por unë mendoj se ai duhet të marrë parasysh shumë faktorë. Një prej tyre është dëshira e tij, duke qenë se është në gjendje të mirë, për të luajtur dhe mbrojtur Botërorin në SHBA me Argjentinën.

Mendoj se Lionel po mendon për këtë. Mendoj se një faktor i rëndësishëm për të, siç ka thënë edhe në të kaluarën, është familja e tij. “Mendoj se Antonella dhe fëmijët janë rehat, po jetojnë një fazë të bukur të jetës së tyre dhe ajo që na intereson ne si klub është që Lionel të ndihet rehat, të pranohet nga komuniteti”.

Në të njëjtën kohë, Jorge Mas përmendi mundësinë që Lionel Messi të marrë aksione në ekip. Ai vetë ka një plan për ta bërë partner të David Beckham , i cili zotëron një përqindje të ekipit amerikan.

“I thashë se nuk është një marrëdhënie mes një presidenti klubi dhe një lojtari, sepse ai erdhi për të rritur projektin dhe kur të tërhiqet do të bëhet partner në Inter Miami me mua, partnerin tim tjetër dhe David Beckham.

Kjo ishte një nga gjërat që ndihmoi në sjelljen e Messit, që është një trashëgimi për t'u lënë edhe fëmijëve të tij. Ka një para dhe pas në MLS që nga ardhja e Messit, ne nuk kemi ardhur për të eksploruar lojtarët që kanë ardhur këtu".

B.T (Dosja.al)