Aktualitet

Zbardhen detaje nga plagosja në Tiranë, 29-vjeçari u qëllua me armë zjarri për një vend parkimi! Autori i dënuar në 2016 në Itali për prostitucion dhe drogë

Gerald Hoxha, i cili mbeti i plagosur në këmbë ndodhet jashtë rrezikut për jetën, ndërsa autori Franci Canaj është shpallur në kërkim. 

10 Prill 2025, 09:34 Nga r.ll

 

Zbardhen detaje nga plagosja në Tiranë, 29-vjeçari u
foto ilustruese

TIRANË- Detaje të reja janë zbardhur lidhur me plagosjen e ndodhur mbrëmjen e djeshme në Tiranë. Bëhet me dije se ngjarja ka ndodhur gjatë një sherri për një vend parkimi. Gerald Hoxha, i cili mbeti i plagosur në këmbë ndodhet jashtë rrezikut për jetën, ndërsa autori Franci Canaj është shpallur në kërkim. 

Canaj nuk është emër i panjohur nga autoritetet. Ai ishte arrestuar nga policia italiane në 2016, si pjesë e një bande kriminale e cila merrej me prodhimin e drogës dhe shfrytëzim prostitucioni.

 Mediat italiane shkruanin asokohe se e veçanta e kësaj bande ishte se në celularët e vajzave që shfrytëzoheshin si prostituta, ishin instaluar aplikacione që i lejonin atyre kontrollin dhe monitorimin e aktivitetit të vajzave. Organizata kriminale e shqiptarëve i riinvestonte fitimet që nxirrnin nga prostitucioni në trafikimin e drogës. Ky grup kishte nisur një luftë mes bandave për kontrollin e territorit të prostitucionit. Gjithashtu ata menaxhonin me ndihmën e shqiptarëve të tjerë, tre plantacione me kanabis.

gerald hoxha franci canaj plagosje ne tirane

Sondazh

Poll

MË SHUMË