Aktualitet

Temperaturat drejt rritjes dhe vranësira, parashikimi i motit për ditën e sotme

Parashikohet që orët e pasdites dhe mbrëmjes të sjellin shtim të vranësirave duke sjellë momente me pika shiu në zonat Veriore dhe pjesërisht në Qendër duke lënë zonat bregdetare dhe kryesisht Jugun pa reshje.

10 Prill 2025, 07:13 Nga N.F
Temperaturat drejt rritjes dhe vranësira, parashikimi i motit për
Foto ilustruese

TIRANË- Orët e paradites do të paraqiten nën ndikimin e kthjellimeve dhe vranësirave të shpeshta në Ultësirën Perëndimore, ndërsa me vranësira dhe reshje të pakta shiu e dëbore do të jetë moti në zonat malore. Parashikohet që orët e pasdites dhe mbrëmjes të sjellin shtim të vranësirave duke sjellë momente me pika shiu në zonat Veriore dhe pjesërisht në Qendër duke lënë zonat bregdetare dhe kryesisht Jugun pa reshje.

Temperaturat e ajrit do të pësojnë rritje me 2 gradë në orët e mëngjesit por mesdita sjell një rritje të lehtë të tyre duke u luhatur nga -1°C vlera më e ulët e shënuar në qytetin e Peshkopisë deri në 19°C vlera maksimale e cila do të regjistrohet në qarkun e Vlorës.

Era do të fryjë mesatare; gjatë parardites, por forcohet pasdite duke arritur shpejtësinë mbi 45 km/h nga drejtimi Veriperëndimor; për pasojë në brigjet detare do të gjenerohet dallgëzim deri në 3 ballë.

parashikimi i motit

Sondazh

Poll

MË SHUMË