Aktualitet

Operacion antidrogë në Itali/ Në pranga 5 shqiptarë dhe dy italianë, sekuestrohen 510 bimë marijuanë

Gjatë hetimeve u sekuestruan 510 bimë marijuanë në një total prej 48 kg. Gjithashtu u sekuestruan 101 gramë kokainë dhe 100 gramë hashash.

9 Prill 2025, 10:33 Nga N.F
Operacion antidrogë në Itali/ Në pranga 5 shqiptarë dhe dy
Foto ilustruese

ITALI- Autoritetet italiane kanë zhvilluar së fundmi një operacion antidrogë në zonën e Barit. Nga ky operacion janë vënë në pranga shtatë persona, pesë shqiptarë dhe dy italianë. Ndaj pesë personash u vendos masa e sigurisë “arrest me burg”, ndërsa dy prej tyre u lanë në “arrest shtëpie”.

Hetimet e kryera nga shkurti deri në shtator 2023, nisën pas denoncimit për zhdukjen e një të riu dhe deklarimeve të tij pasi u gjet. Ai u gjet në shtëpinë e një miku, i cili ishte përdorues droge. Gjatë hetimeve u sekuestruan 510 bimë marijuanë në një total prej 48 kg. Gjithashtu u sekuestruan 101 gramë kokainë dhe 100 gramë hashash.

Nëpërmjet veprimeve të mëtejshme hetimore u arrit të çmontohej grupi i shqiptarëve dhe italianëve, të cilët merreshin me trafikun e drogës. Anëtarët e grupit përdornin fjalë të koduara për të biseduar me njëri-tjetrin. Ndër emrat e përdorur ishin “birra-birretta-birrona” ose “mano-pizze-chiara” për të identifikuar përkatësisht llojin e drogës dhe sasinë e lëndës së kërkuar. Gjatë hetimeve u dokumentuan 124 ngjarje të trafikut të drogës.

droge ne itali arrestohen 5 shqiptare ne itali

Sondazh

Poll

MË SHUMË