Politike

Konferenca rajonale, Rama: Po punojmë për hapjen e klasave të para për fëmijët e shtruar në spital dhe shtimin e mësuesve specialë

Ai tha se hapja e klasave të para do të ndihmojë që fëmijët në spitale mos të humbasin mësimet. 

9 Prill 2025, 10:31 Nga r.ll
Konferenca rajonale, Rama: Po punojmë për hapjen e klasave të
edi rama

TIRANË- Kryeministri Edi Rama ishte i pranishëm në Konferencën Rajonale “Përshpejtimi i Reformave të Kujdesit për Fëmijët drejt Anëtarësimit në Bashkimin Europian”. Gjatë fjalës së tij, Rama u shpreh se ministria e Shëndetësisë dhe ajo e Financave po punojnë për hapjen e klasave të para për fëmijët e shtruar në spital dhe shtimin e mësuesve specialë. Ai tha se hapja e klasave të para do të ndihmojë që fëmijët në spitale mos të humbasin mësimet. 

"Ministria e Shëndetësisë dhe e Financave po punojnë që të rrisin numrin e mësuesve specialë, ashtu sikundër hapëm një kapitull të ri në sistemin e shërbimit shëndetësor për hapjen e klasave të para për fëmijët e shtruar në spital klasa arti dhe arsimore që u shërbejnë fëmijëve që të mos humbasin mësimin. U shërbejnë një kurrikule speciale. Nga ana tjetër edhe vendosja e qëllimit tonë për të çuar më tutje ndërveprimin me prindërit në funksion të përputhjes së programeve të shkollës dhe punës së prindërve, duke nisur me dhënien e ushqimit në shkolla nga bashkitë të çdo qarku, edhe projekti që kemi për të mbështetur akoma më shumë për nënat kryefamiljare me tre fëmijë. Duan të shtoj edhe një element të rëndësishëm, elementi i parandalimit, jo vetëm në drejtim të nxjerrjes së fëmijëve në situatën e varfërisë, por edhe parandalimin. Nga 130 në 260 milionë fondin për mbrojtjen sociale.", tha Rama. 

Në konferencën rajonale të zhvilluar sot morën pjesë përfaqësues nga vendet e Ballkanit Perëndimor: Shqipëria, Kosova, Maqedonia e Veriut dhe Mali i Zi.

edi rama

Sondazh

Poll

MË SHUMË