Politike

Zgjedhjet e 11 majit/ Ambasadori i OSBE-së takim në Partinë e Lirisë, Zannier për arrestimin e Metës: Qëndrojmë pas shtetit të së drejtës, transparencës dhe ligjit të papolitizuar

Ai u shpreh para gazetarëve se e informoi ambasadorin për problematikat që kanë shoqëruar këtë fushatë për përfshirjen dhe përdorimin e administratës publike nga Partia Socialiste.

7 Prill 2025, 12:34 Nga N.F
Zgjedhjet e 11 majit/ Ambasadori i OSBE-së takim në Partinë e
Lamberto Zannier

TIRANË- Kreu i misionit të OSBE/ODIHR, ambasadori Lamberto Zannier ka zhvilluar ditën e sotme një takim në selinë e Partisë së Lirisë. Mësohet se ky takim ka ardhur në kuadër të vëzhgimit të fushatës për zgjedhjet parlamentare të 11 majit.

Takimi u zhvillua në orën 10:30 me pjesëmarrjen e drejtuesve të tjerë të partisë, përfshirë sekretarin e përgjithshëm të PL-së, Tedi Blushi. Ai u shpreh para gazetarëve se e informoi ambasadorin për problematikat që kanë shoqëruar këtë fushatë për përfshirjen dhe përdorimin e administratës publike nga Partia Socialiste.

“E njoftuam ambasadorin për burgosjen pa gjyq të Metës dhe për ndalimin që i bëhet atij për të takuar drejtuesit e partisë apo për të komunikuar me votuesit. Arrestimi i tij është një akt i drejtpërdrejtë për të ndikuar në rezultatin e zgjedhjeve të 11 majit”, u shpreh Blushi.

Zannier gjatë fjalës së tij para gazetarëve u shpreh se në këtë takim u njoh me shqetësimet e ngritura nga PL. Sa i përket arrestimit të të presidentit të PL-se, Ilir Meta ai nuk e komentoi.

“Nuk kam një qëndrim në lidhje me këtë çështje dhe nuk mund të jap një mendim apo gjykim. Qëndrojmë pas shtetit të së drejtës, transparencës dhe ligjit të papolitizuar,” tha ai.

lamberto zannier blushi pl

Sondazh

Poll