Politike

GJKKO rrëzon kërkesën e Kryemadhit për revokim të masës së sigurisë

Vendimi u dha në seancën e sotme nga gjyqtari Erjon Çela.

7 Prill 2025, 10:07 Nga r.ll
GJKKO rrëzon kërkesën e Kryemadhit për revokim të
monika kryemadhi

TIRANË- Gjykata e Posaçme ka rrëzuar kërkesën e deputetes Monika Kryemadhi për revokim të masës së sigurisë "detyrim paraqitje". Vendimi u dha në seancën e sotme nga gjyqtari Erjon Çela.

NJOFTIMI I GJKKO:

Kërkuesi Monika Kryemadhi me datë 02.04.2025 ka paraqitur pranë Gjykatës kërkesën me objekt: “Revokim i masës së sigurimit”. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 112, 260 dhe 246/6 të K.Pr.Penale, me vendimin Nr. 195, datë 07.04.2025, vendosi:

Mospranimin e kërkesës së kërkueses Monika Kryemadhi. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brënda 5 (pesë) ditëve, afat i cili fillon nga dita e njoftimit të vendimit të gjykatës. Tiranë, më datë 07.04.2025 Gjykata e Posaçme e Shkallës së Parë për Korrupsionin dhe Krimin e Organizuar

Deputetja Kryemadhi po hetohet nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale. Kryemadhi duhet të paraqitet një herë në muaj në zyrat e Policisë Gjyqësore të SPAK.

monika kryemadhi

Sondazh

Poll

MË SHUMË