Sport

Thomas Christiansen, “viktima” e fundit e ashpërsisë së Hansi Flick...

Trajneri gjerman zbaton rregulla strikte për të ruajtur lojtarët e tij nga elementët e jashtëm

5 Prill 2025, 15:30 Nga DOSJA

Thomas Christiansen, “viktima” e fundit e ashpërsisë

SPANJE - Suksesi i Barçës aktuale është për shkak të disa faktorëve, por është e qartë se personaliteti i trajnerit të saj, Hansi Flick, është një prej tyre. Trajneri gjerman dha një shembull të mirë gjatë stërvitjes këtë të premte. Jo me vetë seancën, por me menaxhimin e të pranishmëve. 

Thomas Christiansen, ish-lojtari i Barçës dhe trajneri aktual i Panamasë, ishte një nga të ftuarit për të ndjekur seancën. Përveç të kaluarës së tij në Barcelonë, spanjolo-danezi ka një miqësi me një anëtar të stafit të Barcelonës, Toni Tapalovic, me të cilin ka luajtur te Bochum.

Megjithatë, në kohën e së vërtetës, trajneri panamez zbuloi se ai ishte në gjendje të shihte vetëm çerek orë stërvitje të hapur për shtypin. Flick i kushton shumë rëndësi faktit të ruajtjes së dhomës së zhveshjes nga elementët e jashtëm dhe përballë kësaj nuk kanë shërbyer as e kaluara e Barcelonës dhe as kontaktet e Christiansen, as bëma më e fundit e skuadrës së Amerikës Qendrore, e cila arriti në finalen e Ligës së Kombeve të Concacaf duke eliminuar Shtetet e Bashkuara në shtëpi.   

Natyrisht, Flick shkoi për të përshëndetur kolegun e tij përzemërsisht kur iu tha se ishte dëshmitar i stërvitjes. Por vetëm kaq, njëra nuk e përjashton tjetrën.  

B.T (Dosja.al)

Sondazh

Poll

MË SHUMË