Bota

Sekretari amerikan i Mbrojtjes do të vizitojë Panamanë javën e ardhshme

Hegseth do të marrë pjesë në Konferencën e Sigurisë së Amerikës Qendrore dhe do të takohet me lidershipin e lartë politik dhe ushtarak dhe zyrtarë të sigurisë të vendeve partnere në një seri takimesh dypalëshe.

4 Prill 2025, 22:47 Nga N.F
Sekretari amerikan i Mbrojtjes do të vizitojë Panamanë javën
Foto ilustruese

SHBA- Sekretari amerikan i Mbrojtjes, Pete Hegseth do të udhëtojë në Panama javën e ardhshme. Lajmin e njoftoi sot Pentagoni, pasi presidenti amerikan Donald Trump denoncoi përfshirjen e pretenduar kineze në kanal. Hegseth do të marrë pjesë në Konferencën e Sigurisë së Amerikës Qendrore dhe do të takohet me lidershipin e lartë politik dhe ushtarak dhe zyrtarë të sigurisë të vendeve partnere në një seri takimesh dypalëshe.

Pentagoni theksoi se këto takime pritet të lejojnë forcimin e bashkëpunimit me Panamanë dhe vendet e tjera të Amerikës Qendrore, me synimin për të realizuar vizionin e përbashkët për një hemisferë perëndimore paqësore dhe të sigurt.

Përpara se të merrte detyrën më 20 janar, Donald Trump kishte rritur tashmë presionin ndaj Panamasë, duke kërcënuar se do të "marrë përsëri" kanalin e ndërtuar nga SHBA, i hapur në 1914 dhe që mbeti nën sundimin amerikan deri në vitin 1999.

Panamaja e mori përsëri kanalin atë vit sipas një marrëveshjeje të vitit 1977 me presidentin e atëhershëm amerikan Dem. Jimmy Carter. Shtetet e Bashkuara dhe Kina janë dy vendet që përdorin kryesisht këtë kanal që lidh oqeanin Paqësor dhe Atlantik, dhe përmes të cilit kalon 5% e tregtisë detare në botë. Gjiganti me bazë në Hong Kong, CK Hutchison së fundmi arriti një marrëveshje në parim për t'i shitur portet që kontrollon një konsorciumi amerikan.

shba panama

Sondazh

Poll