Sport

VIDEO/ PSG në finale: “Futbolli nuk e di se çfarë është e drejtë, apo e padrejtë”...

Trajneri spanjol i parizienëve, Luis Enrique shprehet se Dunkirk nuk e meritonte të kryesonte 2-0 kundër PSG-së, të cilët tashmë janë finalistë të Kupës së Francës (4-2)

2 Prill 2025, 09:30 Nga DOSJA

VIDEO/ PSG në finale: “Futbolli nuk e di se çfarë

FRANCE - Trajneri i PSG-së, Luis Enrique, tha se Dunkerque nuk e meritonte të kryesonte me dy gola në fillimin e gjysmëfinales së Kupës së Francës, të cilën parizienët e fituan 4-2 të martën, duke kaluar edhe në finale.

Pas fitores kundër Dunkirkut (4-2) tekniku spanjol u shpreh: "Futbolli është krejtësisht joreal. Kjo ndeshje nuk kishte të bënte me atë të Saint-Étienne (6-1, e shtunë). Gabimet nga ana jonë janë joreale, 2-0 ishte e padrejtë, por futbolli nuk e ka idenë se çfarë është e drejtë apo e padrejtë.

Skuadra ime ka treguar pjekuri dhe ambicie për të ndryshuar gjithmonë gjërat në çdo ndeshje. Luajtëm kundër një skuadre të mirë, por që luante vazhdimisht me bllokim shumë të ulët, ndonjëherë me dhjetë lojtarë në kuadrat.

Bëmë një ndryshim pozitiv në pjesën e parë duke sjellë Gonçalo (Ramos), një lojtar boksi. Ai përmirësoi lëvizshmërinë e ekipit dhe qarkullimin e topit. Gjithashtu liroi partneritetin midis (Ousmane) Dembélé dhe (Achraf) Hakimi në të djathtë, ata ishin në gjendje të driblonin dhe të bënin diferencën në krah.

Ata nuk lejoheshin më të bënin tranzicione. Ne e meritojmë të fitojmë dhe të jemi finalistë në Kupën e Francës. Ne nuk jemi të pamposhtur, nuk jemi heronj filmash. Ne jemi një ekip që do të vazhdojmë të pranojmë gola. Përsosmëria nuk ekziston. Por ne kemi ruajtur gjithmonë besimin tek ekipi, kemi mbajtur strukturën për të kontrolluar mirë gjërat”.

Sasso (7’) dhe Al Saad (27’) shënuan për Dunkerque, ndërsa Dembele (45’ dhe 90’+4), Marquintos (48’) dhe Doue (62’) përmbysën rezultatin në 4-2  për PSG-në që u kualifikua për finalen e Kupës së Francës.

B.T (Dosja.al)

Sondazh

Poll

MË SHUMË