Bota

Tarifat e SHBA-së/ Britania shpreson në një partneritet të ri ekonomik

Britania pret goditje ekonomike për shkak të tarifave të vendosura nga administrata e Trump, por qeveria është zotuar se do të vazhdojë të negociojë për një partneritet të ri ekonomik.

1 Prill 2025, 11:25 Nga E. D
Tarifat e SHBA-së/ Britania shpreson në një partneritet të
foto ilustruese

BRITANI E MADHE- Ministri britanik për biznesin, Jonathan Reynolds, deklaroi se tarifat e SHBA-së ndaj Britanisë do të tërhiqen shumë shpejt nëse palët arrijnë një marrëveshje ekonomike që ka të bëjë me sektorin e teknologjisë. Britania pret goditje ekonomike për shkak të tarifave të vendosura nga administrata e Trump, por qeveria është zotuar se do të vazhdojë të negociojë për një partneritet të ri ekonomik.

Reynolds u pyet nga gazetarë të Sky News sot në lidhje me tarifat e SHBA-së dhe për një zgjidhje të saj, ai iu përgjigj se shpreson për një marrëveshje të re dhe theksoi se ky është qëllimi i qeverisë britanike. Ai shtoi se nuk mund të jepte një afat kohor për një tërheqje të tillë, por paralajmëroi se sa më shumë të duhej për arritjen e një marrëveshjeje, aq më shumë ka të ngjarë që Britania të kishte nevojë të vendoste tarifa në shenjë hakmarrjeje.

"Sa më gjatë të mos kemi një zgjidhje të mundshme për këtë, aq më shumë do të duhet të marrim parasysh qëndrimin tonë. Unë mendoj se ne duhet të kemi të gjitha opsionet në dispozicion për ne. Unë mendoj se kjo ka kuptim," tha ai kur u pyet në lidhje me perspektivën e tarifave si masa hakmarrëse.

jonathan reynolds shba britani e madhe

Sondazh

Poll

MË SHUMË