Bota

Aksident tragjik në Brazil: 11 të vdekur, mes tyre 8 fëmijë, pas përplasjes fatale mes një furgoni dhe një kamioni (PAMJET)

Një familje shkatërrohet në një aksident rrëqethës në Bahia

31 Mars 2025, 21:52 Nga A.Ll

Aksident tragjik në Brazil: 11 të vdekur, mes tyre 8 fëmijë,

Të paktën 11 persona, përfshirë tetë fëmijë, humbën jetën në një aksident rrugor tragjik në shtetin verilindor të Brazilit, Bahia. Pesë persona të tjerë mbetën të plagosur kur një furgon pasagjerësh u përplas me një kamion gjatë natës së së dielës ndaj të hënës, sipas raportimeve të autoriteteve lokale.

Aksidenti ndodhi në një autostradë në rajonin malor të Chapada Diamantina, një zonë e njohur turistike, ku furgoni transportonte 16 pasagjerë.

Tragjedia është edhe më e rëndë pasi nëntë prej viktimave ishin anëtarë të së njëjtës familje. Ata po ktheheshin në qytetin Rui Barbosa nga Boa Vista do Tupim, një distancë prej rreth 70 kilometrash.

Autoritetet lokale kanë nisur hetimet për të zbuluar shkakun e aksidentit, ndërsa ekipet e emergjencës kanë ofruar ndihmën e parë për të mbijetuarit. Ngjarja ka tronditur komunitetin lokal, duke rikthyer në vëmendje problemet e sigurisë në rrugët braziliane.

aksident rrugor tragjik brazil

Sondazh

Poll

MË SHUMË