BE-ja vendosi masa ndëshkuese ndaj Kosovës më 2023, pas rritjes së tensioneve në veri të vendit, dhe vazhdon t’i mbajë ato në fuqi me arsyetimin se Kosova nuk ka bërë ende mjaftueshëm për shtensionimin e gjendjes në veriun e banuar me shumicë serbe.
KOSOVË - Presidentja e Kosovës, Vjosa Osmani, ka kërkuar përsëri nga Bashkimi Evropian (BE) t’i heqë masat “e padrejta” ndaj Kosovës, gjatë një takimi të mërkurën me ambasadorët e vendeve të bllokut evropian në Prishtinë.
“Theksova urgjencën e largimit të masave të padrejta ndaj Kosovës, që dëmtojnë qytetarët tanë dhe cenojnë vet parimet e BE-së”, shkroi Osmani në Facebook.
BE-ja vendosi masa ndëshkuese ndaj Kosovës më 2023, pas rritjes së tensioneve në veri të vendit, dhe vazhdon t’i mbajë ato në fuqi me arsyetimin se Kosova nuk ka bërë ende mjaftueshëm për shtensionimin e gjendjes në veriun e banuar me shumicë serbe.
Një zëdhënës i bllokut i tha Radios Evropa e Lirë në shkurt se “masat e përkohshme të BE-së janë të kthyeshme dhe Këshilli tashmë ka vendosur kushte për heqjen graduale të tyre, të cilat lidhen me marrjen e hapave nga Kosova për uljen e tensioneve në veri”.
Osmani dhe liderë të tjerë të vendit kanë kërkuar vazhdimisht heqjen e masave, siç ka kërkuar së voni edhe Parlamenti Evropian. Ndërkohë, Osmani tha se në takimin e së mërkurës me ambasadorët e vendeve të bllokut bisedoi edhe për hapat drejt konstituimit të institucioneve të reja të dala nga zgjedhjet e 9 shkurtit si dhe për procesin e dialogut të ndërmjetësuar nga BE-ja.
Kosova mbajti zgjedhje parlamentare me 9 shkurt dhe pritet të ketë institucione të reja së shpejti, pasi Komisioni Qendror i Zgjedhjeve (KQZ) pritet t'i certifikojë rezultatet e zgjedhjeve të enjten. Lëvizja Vetëvendosje e kryeministrit Albin Kurti doli e para duke i fituar 42.30 për qind të votave, apo 48 ulëse në Kuvendin me 120 sosh.
Partia Demokratike e Kosovës u rendit e dyta me 20.95 për qind, pasuar nga Lidhja Demokratike e Kosovës (LDK)18.27 për qind. Asnjë parti nuk arriti t’i fitojë të paktën 61 ulëset e nevojshme për ta formuar e vetme Qeverinë e re. Kurti ka thënë se po pret certifikimin e rezultateve, para se anëtarët e partisë së tij të ulen dhe të shikojnë rrugën përpara./REL
Albin Kurti KOSOVË- Kryeministri i Kosovës, Albin Kurti thotë se njohja e pavarësisë nga shteti i Kenias është një ...
Albana Vokshi TIRANË - Deputetja demokrate, Albana Vokshi, ka folur këtë të mërkurë mbi çështjen e Onkologjikut d...
Edi Rama SHKODRA- Kryeministri Edi Rama, ka vijuar me ironitë ndaj programit të PD-së për zgjedhjet. Rama e ka cilësuar ...
Edi Rama SHKODRA- Kryeministri Edi Rama, gjatë një takimi në Shkodër vijoi të ironizonte kreun e PD-së Sali Berishë...
Edi Rama SHKODRA- Kryeministri Edi Rama nga Shkodra foli sërish për drejtësinë. Rama tha se për herë të parë k...
Arlind Qori TIRANA- Kryetari i Lëvizjes Bashkë Arlind Qori shpjegoi disa aspekte të rëndësishme të programit të L&e...
Edi Rama SHKODËR - Kryeministri Edi Rama po zhvillon këtë pasdite një takim me të rinjtë në qytetin e Shkodrës aty ...
Edi Rama SHKODRA- Kryeministri Edi Rama, mori pjesë sot në një takimin me sipërmarrësit në Shkodër teksa nuk m...
Foto ilustruese TIRANË - Partia Demokratike i është drejtuar këtë të mërkurë me një kërkesë zyrtare ...
Albin Kurti KOSOVA- Kryeministri i Kosovës, Albin Kurti, kishte rënë pre e një thirrjeje me video nga dy humoristë rusë pak p...