Bota

Me maska, kapuça e thika/ Grabitet shtëpia e të moshuarve në Greqi, hajdutët marrin para, bizhuteri dhe karta bankare

Grabitësit kanë lidhur çiftin, dhe me kapuça në kokë kanë kontrolluar shtëpinë, dhe kanë gjetur e grabitur para, bizhuteri dhe karta bankare. Më pas ata u larguan dhe i lanë dy të moshuarit të lidhur.

14 Mars 2025, 17:38 Nga B.Z
Me maska, kapuça e thika/ Grabitet shtëpia e të moshuarve
Foto ilustruese

GREQI - Një grabitje ka ndodhur në një shtëpi në Porto Rafti, të Greqisë ku dy persona i kanë vjedhur para dhe bizhuteri një çifti të moshuarish.

Sipas mediave vendase ngjarja ka ndodhur mbrëmjen e së martës, kur dy autorët, duke mbajtur në duar një thikë dhe një shkop, kanë hyrë në shtëpinë në rrugën Pellazgon dhe kanë lidhur pronarin 75-vjeçar dhe bashkëshorten e tij.

Grabitësit kanë lidhur çiftin, dhe me kapuça në kokë kanë kontrolluar shtëpinë, dhe kanë gjetur e grabitur para, bizhuteri dhe karta bankare. Më pas ata u larguan dhe i lanë dy të moshuarit të lidhur.

Bëhet me dije se pas rreth 20 minutash çifti u lirua dhe njoftoi policinë. Siç thanë viktimat në polici, grabitësit mbanin kapuç, veshje të errëta dhe doreza dhe ishin me gjatësi mesatare. Autoritetet kanë nisur hetimet për identifikimin dhe kapjen e autorëve.

grabitje greqi

Sondazh

Poll

MË SHUMË