Bota

"I kam dhënë Erdoganit një propozim të qartë"/ Kryeministri polak i kërkon Turqisë të ketë rol kyç në procesin e paqes me Ukrainën

Shtetet e Bashkuara ranë dakord të martën për të rifilluar ndihmën ushtarake dhe shkëmbimin e inteligjencës me Ukrainën pasi Kievi tha se ishte gati të mbështeste propozimin e Uashingtonit për një armëpushim 30-ditor me Rusinë, thanë vendet në një deklaratë të përbashkët.

12 Mars 2025, 19:21 Nga M.L
"I kam dhënë Erdoganit një propozim të
Foto ilustruese

POLONI- Kryeministri polak Donald Tusk tha se i kërkoi Turqisë të luante një rol kyç në çdo proces paqeje për Ukrainën gjatë bisedimeve me Presidentin Tajip Erdogan në Ankara të mërkurën. Shtetet e Bashkuara ranë dakord të martën për të rifilluar ndihmën ushtarake dhe shkëmbimin e inteligjencës me Ukrainën pasi Kievi tha se ishte gati të mbështeste propozimin e Uashingtonit për një armëpushim 30-ditor me Rusinë, thanë vendet në një deklaratë të përbashkët.

“I kam dhënë Presidentit Erdogan një propozim të qartë që Turqia të marrë bashkëpërgjegjësinë më të madhe të mundshme për procesin e paqes, duke garantuar stabilitet dhe siguri në të gjithë rajonin tonë”, tha Tusk në një konferencë të përbashkët shtypi me liderin turk.

“Ne e dimë mirë se çfarë duam për Ukrainën, çfarë duam për rajonin, çfarë duam për Evropën”, shtoi ai.

Erdogan tha se vendimi i Ukrainës për të mbështetur propozimin e armëpushimit ishte pozitiv: Ne presim që Rusia ta kthejë këtë hap pozitiv në të njëjtën mënyrë. Nëse zhvillimi i fundit çon në kthimin e Rusisë dhe Ukrainës në tryezën negociuese, ne jemi të gatshëm të ofrojmë të gjitha format e kontributit, duke përfshirë pritjen bisedimet.

Turqia dhe Polonia janë aleatë të NATO-s të Shteteve të Bashkuara. Ankaraja ka kërkuar gjatë luftës trevjeçare në Ukrainë të mbajë lidhje të përzemërta si me Kievin ashtu edhe me Moskën.

donald tusk rexhep tajip erdogan poloni-turqi

Sondazh

Poll

MË SHUMË