Bota

Tërhiqet Meksika/ Presidentja: Për momentin nuk do të vendosim tarifa hakmarrëse ndaj SHBA-së

Claudia Sheinbaum tha se Meksika do të presë deri më 2 prill dhe pastaj do vendosin

12 Mars 2025, 18:00 Nga A.Ll
Tërhiqet Meksika/ Presidentja: Për momentin nuk do të vendosim
Claudia Sheinbaum

MEKSIKË - Presidentja meksikane, Claudia Sheinbaum u shpreh sot se vendi i saj do të presë deri më 2 prill për të përcaktuar nëse do t'i përgjigjet tarifave të SHBA-së për aluminin dhe çelikun.

Presidenti i SHBA Donald Trump ka rënë dakord të shtyjë tarifat për të gjitha produktet nga Meksika dhe Kanadaja që mbulohen nga traktati i tregtisë së lirë USMCA deri më 2 prill. Kjo është gjithashtu data kur administrata e tij tha se veprimet tarifore reciproke do të shpalleshin në shumë vende.

Sheinbaum tha se sekretari i saj i ekonomisë do të punonte me homologun e tij amerikan deri atëherë, për të adresuar se si do të shpaloset 2 prilli.

“Pra, ne do të presim deri më 2 prill dhe prej aty do të përcaktojmë nëse tarifat reciproke do të aplikohen edhe në rastin e aluminit dhe çelikut apo varësisht se si do të vijnë gjërat. Ne do ta mbajmë të hapur këtë proces dhe dialogun deri më 2 prill”, tha ajo.

E pyetur nëse qeveria e saj kishte një plan për vendosjen e tarifave hakmarrëse, nëse ato do të bëheshin të nevojshme, Sheinbaum u përgjigj: “Po, po, ne po punojmë për të, dhe gjithashtu ka një marrëdhënie shumë të mirë me të gjithë prodhuesit e çelikut dhe të gjithë ata që janë të përfshirë në prodhimin e aluminit. Pra, ne po punojmë me ta, me prodhuesit kombëtarë dhe presim 2 prillin për të marrë një vendim përfundimtar.”

 

claudia sheinbaum meksika shba tarifat

Sondazh

Poll

MË SHUMË