Sport

Tapet i kuq për Courtois… Casteels braktis kombëtaren, nuk jam më në dispozicion për Belgjikën!

"Mendoj se është pak e çuditshme që Courtois mund të vendosë vetë nëse mund të kthehet apo jo. Nuk kam asgjë kundër Thibaut, por i drejtohem kryesisht Federatës së Futbollit”.

10 Mars 2025, 12:00 Nga DOSJA
Tapet i kuq për Courtois… Casteels braktis kombëtaren, nuk jam

BELGJIKE - Një fillim i komplikuar jave për Rudi Garcia, i cili po merret me “rastin” e parë për të zgjidhur në detyrën e tij si trajner i kombëtares belge. 

Koen Casteels, në fakt, ka vendosur të heqë dorë nga thirrjet e ardhshme, pasi ish-trajneri i Romës dhe Napolit ishte hapur për rikthimin e Thibaut Courtois, i cili kishte munguar dy vitet e fundit për shkak të përplasjeve të përsëritura me ish-trajnerin Domenico Tedesco.

“Është e çuditshme që Federata e Futbollit ka bërë një kthesë 180 gradë dhe po hap tapetin e kuq për ta mirëpritur atë përsëri me krahë hapur”, tha portieri i Al Qadisiya, i cili ishte bërë një lojtar i rregullt për ‘Djajtë e Kuq’.

"Mendoj se është pak e çuditshme që Courtois mund të vendosë vetë nëse mund të kthehet apo jo. Nuk kam asgjë kundër Thibaut, por i drejtohem kryesisht Federatës së Futbollit.

Kjo nuk përputhet me standardet dhe vlerat që kam pasur gjithmonë dhe nuk është ajo që duhet të ketë një sport ekipor apo një organizatë sportive. Nga sot unë nuk jam më në dispozicion (për kombëtaren).

"Ne u informuam sot për vendimin e Koen Casteels për t'u tërhequr nga futbolli ndërkombëtar me “Djajtë e Kuq” të Belgjikës. Ndërsa ndjejmë keqardhje për vendimin e tij, dëshirojmë të falënderojmë sinqerisht Koen për përkushtimin e tij të viteve dhe momentet që kemi ndarë së bashku", njoftoi Federata Belge e Futbollit në kanalet e saj zyrtare.

B.T (Dosja.al)

Sondazh

Poll

MË SHUMË