Politike

Në qendër të diskutimeve zgjedhjet parlamentare, Rama ndan PAMJET nga takimi me ministrat dhe strukturat e PS-së

Sipas informacioneve në mbledhje është diskutuar programi i PS-së për zgjedhjet si dhe emrat e kandidatëve për deputetë dhe përcaktimin e tyre se kush do të jetë në listën e mbyllur dhe kush në të hapur.

9 Mars 2025, 15:07 Nga B.Z
Në qendër të diskutimeve zgjedhjet parlamentare, Rama ndan PAMJET
Takimi

TIRANË - Kryeministri Edi Rama ka ndarë pamjet nga takimi që zhvilloi paraditen e kësaj të diele me anëtarët e qeverisë dhe të Partisë Socialiste i cili u mbajt për të dytën ditë radhazi në Pallatin e Brigadave.

Në një postim në rrjete sociale, krahas pamjeve nga takimi Rama shkruan: “Kantier Shqipëria 2030”.

Sipas informacioneve në mbledhje është diskutuar programi i PS-së për zgjedhjet si dhe emrat e kandidatëve për deputetë dhe përcaktimin e tyre se kush do të jetë në listën e mbyllur dhe kush në të hapur.

Bëhet me dije se nuk ka patur një vendim përfundimtar teksa ky i fundit pritet të merret në Kryesi. Emrat e kandidatëve për deputetë duhet të dërgohen në Komisionin Qendror të Zgjedhjeve, deri më 12 mars.

Mësohet se Rama pritet të kandidojë në Tiranë, në listë të hapur, një lëvizje që i jep hapësirë për të maksimizuar votat. Kandidimin e tij në Tiranë, Rama e paralajmëroi pak ditë pasi kryebashkiaku Erion Veliaj u arrestua.

Ditën e parë të takimit, dje, secili ministër raportoi për çfarë është bërë deri më tani dhe objektivat deri në përfundim të mandatit qeverisës.

zgjedhje parlamentare edi rama ps

Sondazh

Poll

MË SHUMË