Politike

"Braktisni orën e parë të mësimit", Rama ironizon deklaratën e Berishës, poston videon e bufit

8 Mars 2025, 11:15 Nga r.ll
"Braktisni orën e parë të mësimit", Rama ironizon
foto e postuar nga rama

TIRANË- Kryeministri Edi Rama ka ironizuar përmes një postimi në rrjetet sociale deklaratën e kryetarit të PD-së, Sali Berishës lidhur me mbylljen e Tik Tok. Rama ka postuar videon e një bufi, i cili përsërit fjalën e Berishës në konferencën e zhvilluar me gazetarët nga selia blu. 

“Të dashur fëmijë, të dashur të rinj dhe të reja, ai që u vë censurën, ai shkelmon mbi të ardhmen tuaj. Këtu problemi është se një njeri pa asnjë tagër, pa asnjë ligj, kërkon të varë në sheshin ‘Skënderbej’ TikTokun, pse e kritikoni ju, atëherë ju keni të drejtë të filloni grevat dhe greva juaj është të bojkotoni mësimet. Që ditën e hënë për shembull orën e parë, do të ishte gjë madhështore që të mungoni sa më shumë.U bëj thirrje prindërve të mos i dërgojnë ditën e hënë fëmijët e tyre në shkollë fëmijët të paktën orën e parë si një akt i betejës së fëmijëve tuaj për lirinë e shprehjes dhe kundër censurës. Nuk do guxojë shkollë, apo mësues të marrë masa ndaj jush, do përballen me pasojat më të rrepta ligjore, e drejta e grevës është e drejtë kushtetuese”, shprehej Berisha.

Qeveria shqiptare vendosi mbylljen e Tik-Tok për një vit dhe ndalimi i aksesit në këtë platformë do të nisë pas rreth një jave. Sipas Ramës ky vendim erdhi pas vrasjes së 14-vjeçarit Martin Cani me thikë nga një bashkëmoshatar i tyre, pas një sherri të nisur në rrjetet sociale. Ndërkohë prindërit e të miturit kanë deklaruar se i biri nuk kishte llogari në këtë rrjet social. 

edi rama sali berisha

Sondazh

Poll

MË SHUMË