Bota

Tarifat amerikane për importet kanadeze, reagon Trudeau/ Njofton kundërmasat ndaj Trump

Lufta tregtare mes Shteteve të Bashkuara dhe Kanadasë po përshkallëzohet

4 Mars 2025, 18:08 Nga A.Ll

Tarifat amerikane për importet kanadeze, reagon Trudeau/ Njofton

Kanada - Kryeministri kanadez, Justin Trudeau tha se vendi i tij nuk do të tërhiqet në luftën tregtare me Shtetet e Bashkuara, pasi presidenti amerikan Donald Trump vendosi tarifa për importet kanadeze. 

"Sot, Shtetet e Bashkuara i shpallën një luftë tregtare Kanadasë, aleatit dhe mikut të saj më të ngushtë," tha Trudeau në një konferencë shtypi në Otava.

“Në të njëjtën kohë, ata po përpiqen të bashkëpunojnë me Rusinë, duke qetësuar Vladimir Putinin, një diktator gënjeshtar dhe vrasës. Gjenjeni logjikën në këtë," - shtoi ai.

Kryeministri kanadez theksoi se kanadezët janë të arsyeshëm dhe të sjellshëm, por nuk do të hezitojnë të mbrojnë vendin dhe mirëqenien e tyre.

Vihet re se Trump vendosi tarifa 25% për të gjitha importet nga Kanadaja dhe Meksika, si dhe 10% për produktet kanadeze të energjisë.

Në përgjigje, qeveria kanadeze njoftoi zbatimin e tarifave në dy faza, me një vlerë totale prej 30 miliardë dollarësh për produktet amerikane në fazën e parë, me një tarifë shtesë prej 125 miliardë dollarësh në fazën e dytë, e cila do të hyjë në fuqi 21 ditë më vonë, pas një konsultimi publik.

Plani përfshin tarifa 25% për një sërë produktesh amerikane, duke përfshirë ushqimin, pijet alkoolike, letër higjienike, veshje dhe këpucë, kozmetikë, mobilje, pajisje elektrike, duhan dhe lëndë druri.

"Unë zakonisht nuk jam dakord me Wall Street Journal, por Donald, edhe pse je një djalë shumë i zgjuar, ajo që bëre ishte marrëzi," tha Trudeau.

justin trudeau lufta tregtare donald trump

Sondazh

Poll

MË SHUMË