Bota

"Nuk ka asnjë arsye për të mbështetur këtë vendim"/ Meksika e gatshme të hakmerret ndaj SHBA-së për tarifat, presidentja: Deklarata e Shtëpisë së Bardhë për qeverinë tonë, fyese dhe shpifëse

Sheinbaum gjithashtu kritikoi deklaratën e Shtëpisë së Bardhë mbi tarifat si fyese dhe shpifëse.

4 Mars 2025, 16:55 Nga E. D
"Nuk ka asnjë arsye për të mbështetur këtë
Claudia Sheinbaum

MEKSIKË- Presidentja e Meksikës, Claudia Sheinbaum tha se do të shpallte tarifa hakmarrëse për importet amerikane në Meksikë, si dhe masat të tjera. Sheinbaum gjithashtu kritikoi deklaratën e Shtëpisë së Bardhë mbi tarifat si fyese dhe shpifëse. Afati specifik kohor për shpalljen e kundërmasave të Meksikës mund të tregojë sipas analistëve se qeveria e vendit ende shpreson për një de-përshkallëzimin e luftës tregtare të nisur nga Donald Trump.

“Vendimi i njëanshëm i marrë nga Shtetet e Bashkuara prek kompanitë kombëtare dhe të huaja që operojnë në vendin tonë, si dhe njerëzit tanë. Natën e kaluar, Shtëpia e Bardhë publikoi një deklaratë fyese dhe shpifëse pa baza për qeverinë meksikane, të cilën ne e mohojmë dhe e dënojmë kategorikisht. Nuk ka asnjë arsye, asnjë justifikim për të mbështetur këtë vendim, i cili do të prekë popullin tonë dhe vendet tona”,tha Sheinbaum.

Gjithashtu presidenti amerikan Donald Trump tha të hënën se tarifat 25% ndaj Meksikës dhe Kanadasë do të hynë në fuqi siç ishte planifikuar të martën, duke thënë se dy partnerët kryesorë tregtarë të SHBA-së nuk kishin më vend për të negociuar për shmangien e tyre. Trump tha se ai po përdorte tarifat për të ndëshkuar vendet që, siç tha ai, po merrnin nga ekonomia amerikane pa dhënë mjaftueshëm në këmbim.

claudia sheinbaum

Sondazh

Poll

MË SHUMË