Politike

Reforma e pensioneve/ Rama: Po përpiqemi të kurojmë plagën që lanë ata para nesh

Rama shton më tej se sipas tij reforma e pensioneve synon që të kurojë dhe mbyllën 'plagën' që kanë lënë të tjerë që kanë qënë në pushtet para PS. 

1 Mars 2025, 15:47 Nga B.Z
Reforma e pensioneve/ Rama: Po përpiqemi të kurojmë plagën
Edi Rama

TIRANË - Kryeministri Edi Rama i është përgjigjur komentuesve në rubrikën tashmë të përditshme Sy m'sy. I pyetur në lidhje me bonusin e pensionistëve kreu i qeverisë deklaroi se pensionistët kanë të gjithë admirimin dhe mirënjohjen e tij, dhe me reformën e pensioneve synohet që kush ka dalë në pension pas reformës të ketë një pension më dinjitoz.

Rama shton më tej se sipas tij reforma e pensioneve synon që të kurojë dhe mbyllën 'plagën' që kanë lënë të tjerë që kanë qënë në pushtet para PS. 

Rama: Votën e pensionistëve unë e kam pasur dhe e kam si vlerësim për punën nga njerëz që kanë jetuar me punë dhe që punës i dinë vlerën, i dinë sikletin, i dinë dhe kimetin. Pensionsitët kanë të gjithë admirimin dhe mirënjohjen time dhe tonën dhe me reformën e pensioneve në mandatin tonë të parë, e kemi bërë që kush ka dalë në pension pas reformës të ketë një pension më dinjitoz, ndërkohë që plagën e tmerrshme të trashëgimisë së shkatërrimit total të logjikës së skemës së pensioneve përpara sesa ne të vinim në detyrë po përpiqemi tani ta kurojmë, qoftë me rritjen e sasisë dhe numrit të bonuseve dhe qoftë me reformën e re që po bëjmë, por ama pa krijuar një piramidë tjetër fatale si ato të Sudes dhe Rrapushit dhe bufit të kënetës.

A mjafton? Pa diskutim që nuk mjafton, por a është shumë më tepër dje? Të mohosh këtë do të thotë që të mos mendosh me mendt e tua, por të flasësh çfarë të vënë në gojë llumi i kënetës.

edi rama pensione

Sondazh

Poll

MË SHUMË