Politike

"Më shumë se kurrë pranë hapit të ardhshëm të integrimit në BE", ministri Hasani: Deri nga fundi dhjetorit shkojmë në mbylljen e kapitujve të parë të hapur

Hasani më tej falenderoi BE-në për mbështetjen dhe dëshirën e shprehur për ta bërë Shqipërinë në Europë. Ai tha se tani është koha për të shtyrë përpara dhe realizuar reformat, me qëllim anëtarësimin në BE.

28 Shkurt 2025, 11:00 Nga N.F
"Më shumë se kurrë pranë hapit të ardhshëm
Ministri Hasani

TIRANË- Ministri i Jashtëm dhe për Europën, Igli Hasani ka marrë pjesë në Konferencën e Komisioneve të Integrimit për Çështjet Europiane dhe procesin e asociim-stabilizimit për negociatat drejt anëtarësimit në BE. Gjatë fjalës së tij Hasani u shpreh se Shqipëria ka hapur 4 kapituj dhe se vendi është gati ti hapë të gjitha kapitujt deri në qershor. Ai u shpreh se ky forum luan një rol për të ardhmën europiane të Shqipërisë në BE, për të bashkëpunuar dhe çuar përpara qëllimin e integrimit.

Hasani theksoi se më shumë se kurrë jemi pranë hapit të ardhshëm të integrimit. Ai tha se katër nga 6 grupkapitujt janë hapur tashmë dhe se në qershor do të hapim edhe dy të fundit. Sipas tij nga fundi dhjetorit do të shkojmë në mbylljen e kapitujve të parë të hapur.

“Kemi hapur 4 nga kapitujt dhe jemi gati të hapim të gjitha deri në qershor. Këtu nuk jam për fushatë, jam për procese transparente, të afta për të përfshirë të gjithë shoqërinë, jam i kënaqur që ju presim këtu në Tiranë në këtë forum. Luan rol në të ardhmen europiane të Shqipërisë në BE, për të bashkëpunuar dhe çuar përpara qëllimin e integrimit.

Ballkani Perëndimor ka kontribuar në ecurinë përpara të proceseve dhe në bashkëpunim, teksa ky bashkëpunim do çohet më përpara. Ky është proces i udhëhequr nga vizioni, ndaj vendi ka shënuar ecuri shumë pozitive. Më shumë se kurrë jemi më pranë hapit të ardhshëm të integrimit. Katër nga 6 grupkapitujt janë hapur tashmë, në qershor hapim edhe dy të fundit dhe nga fundi dhjetorit shkojmë në mbylljen e kapitujve të parë të hapur”, u shpreh ministri.

Hasani më tej falenderoi BE-në për mbështetjen dhe dëshirën e shprehur për ta bërë Shqipërinë në Europë. Ai tha se tani është koha për të shtyrë përpara dhe realizuar reformat, me qëllim anëtarësimin në BE. Ministri shtoi se bashkëpunimi me BE-në është thelbësor për t’i çuar gjërat përpara.

"Falenderojmë BE-në për mbështetjen dhe dëshirën e shprehur për të na pasur në Europë. Tani është koha për të shtyrë përpara dhe realizuar reformat, me qëllim anëtarësimin në BE. Është e rëndësishme që ne të jemi të gjithë së bashku në këtë tryezë, edhe me vende që nuk janë pjesë e procesit të Berlinit. Bashkëpunimi mes nesh është thelbësor për t’i çuar gjërat përpara.

Thelbësore është të mbështesim njëri-tjetrin. Lufta e guximshme e Ukrainës ka rikthyer dëshirën për zgjerimin e Bshkimit Europian. Kemi një çështje kritike në tavolinë, bashkëpunimin rajonal dhe mes njëri-tjetrit. Si mund të shkojmë përpara drejt BE nëse nuk bashkëpunojmë? BE është gati të na përqafojë, por duhet të pyesim njëri-tjetrin a jemi gati në të përqafojmë njëri-tjetrin në përpjekje, bashkëpunim dhe ecje përpara, solidaritet dhe unitet, sepse është thelbësor në BE”, shtoi Hasani.

ministri hasani be

Sondazh

Poll

MË SHUMË