Politike

"Zgjedhja në 11 maj është mes Europës dhe kënetës", Rama: Hyrja në BE është ngritja e dytë flamurit dhe pavarësia e dytë e Shqipërisë

Ai theksoi se në momentin që një shtet i ri futet në BE, futet te përfituesit. Rama tha se kontribuesit japin dhe përfituesit fitojnë mbështetje financiare në ekstrem për të zhvilluar infrastrukturën, arsimin dhe kulturën.

27 Shkurt 2025, 08:49 Nga N.F
"Zgjedhja në 11 maj është mes Europës dhe
edi rama

TIRANË- Kryeministri Edi Rama në rubrikën "Sy m'sy" ka folur në lidhje me zgjedhet e 11 majit. Gjatë fjalës së tij Rama u shpreh se zgjedhja në 11 maj është mes BE dhe opozitës të cilës iu referua si këneta. Sipas tij me Shqipërinë në BE do të garantohet liria individuale në gjitha format, do të garantohet sundimi i ligjit dhe barazia para ligjit.

Ai theksoi se në momentin që një shtet i ri futet në BE, futet te përfituesit. Rama tha se kontribuesit japin dhe përfituesit fitojnë mbështetje financiare në ekstrem për të zhvilluar infrastrukturën, arsimin dhe kulturën. Sipas tij hyrja në BE është pavarësia e dytë e Shqipërisë.

"Vetëm me këtë forcë politike futemi në BE. Të tjerat janë çeta dhe shfryrje inatesh. Nga ato janë bërë çorap shqiptarët. Të fokusohemi të gjërat që vlejnë. Zgjedhja në 11 maj është mes BE dhe kënetës. Ose me ne në BE, ose me bufin në kënetë. Me bufin do hysh në borxh me shqiptarët dhe me familjen tënde. Po jap një sqarim për BE që thoni se Europa ka vdekur.

Me Shqipërinë në BE garantojmë lirinë individuale në gjitha format, garantojmë sundimin e ligjit dhe barazinë para ligjit, garantojmë standardet demokratike për bashkëjetesën. Momentin që një shtet i ri futet në BE, futet te përfituesit. Kontribuesit japin dhe përfituesit fitojnë mbështetje financiare në ekstrem. Që do të projekte në infrastrukturë, zhvillim në arsim dhe kulturë. Hyrja në BE ngritja e dytë flamurit, pavarësia e dytë e Shqipërisë," tha Rama.

edi rama

Sondazh

Poll