Aktualitet

Rrugë të amortizuara dhe probleme me ujin e pijshëm, banorët e tre lagjeve të fshatit Varibop në protestë: Kërkojmë gjëra jetike!

Ata bëjnë me dije se rrugët e lagjeve që lidhen me rrugën kryesore të autostradës Levan-Tepelenë janë amortizuar.

24 Shkurt 2025, 14:24 Nga N.F
Rrugë të amortizuara dhe probleme me ujin e pijshëm, banorët
Banorët

FIER- Banorë të tre lagjeve të fshatit Varibop të Cakranit kanë zhvilluar ditën e sotme një protestë. Ata janë ngritur në protestë këtë të hënë për shkak të mungesës së investimeve në zonë. Përveç mungesës së investimeve një tjetër problematikë është mungesa e furnizimit me ujë të pijshëm.

Ata bëjnë me dije se rrugët e lagjeve që lidhen me rrugën kryesore të autostradës Levan-Tepelenë janë amortizuar. Nga rruga e keqe mësohet se një arkëmorti ka dalë nga makina duke i rëne kapaku në rrugë. Në kushtet kur nga pushteti vendor nuk është marrë asnjë masë, banorët kanë shtruar rrugët me shpenzimet e tyre. Sa i përket problemit me ujin banorët furnizohen nëpërmjet puseve të Varibopit ndërsa banorët e zonës janë detyruar të hapin puse private. Ata shprehen se po kërkojnë gjëra jetike.

proteste ne cakran

Sondazh

Poll