Politike

Arrestimi i Erion Veliajt/ Reagon Kryemadhi: Uragan që i ka marrë para të gjithë! Lista e arrestimeve vazhdon, radhën e ka Edi Rama

Kryemadhi ka ndarë një video të Ramës i cili ka hedhur batuta drejt Veliajt, teksa shkruan se arrestimi i kryebashkiakut është një uragan që sot i ka marrë para të gjithë.                           

10 Shkurt 2025, 19:35 Nga B.Z
Arrestimi i Erion Veliajt/ Reagon Kryemadhi: Uragan që i ka marrë para
Monika Kryemadhi

TIRANË - Deputetja e Partisë së Lirisë, Monika Kryemadhi ka reaguar në lidhje me arrestimin e Kryetarit të Bashkisë së Tiranës, Erion Veliajt. Në një postim në rrjete sociale Kryemadhi shkruan se lista e arrestimeve vazhdon.

Kryemadhi ka ndarë një video të Ramës i cili ka hedhur batuta drejt Veliajt, ku deklaronte se “Erion Veliaj mund të dalë në televizor sa të dojë, mund të mbjellë pemë sa të dojë, por një ditë, në një nga ato pemë do të varet”. Lidhur me këtë Kryemadhi thotë që shakaja sado e hidhur të jetë mbetet gjysma e të vërtetës.

Kryemadhi vijon se arrestimi i kryebashkiakut është një uragan që sot i ka marrë para të gjithë. Sipas saj pas Veliajt radhën për tu arrestuar e ka kryeministri Edi Rama. 

Postimi i Kryemadhit:

Shakaja sado e hidhur mbetet gjysma e të vërtetës. Por Monika ka lajmëruar e para uraganin e korrupsionit që ka pushtuar Bashkinë e Tiranës dhe qeverinë. Uragan që sot i ka marrë përpara të gjithë. Edi Rama ka dashur të bëjë humor me dhimbje, por sot dhimbja e tij është e pafund se lista e arrestimeve po vazhdon. Citoje sërish Monikën, sepse ajo ta ka bërë benë, është radha jote’

monika kryemadhi spak erion veliaj

Sondazh

Poll

MË SHUMË