Sport

Real Madridi, po “projekton” një goditje të dyfishtë për Wirtz dhe Alonson…

Real Madridi është ende larg përfundimit të dy rasteve, që duhet të trazojnë muajt e ardhshëm në kryeqytetin spanjol: Xabi Alonso dhe Florian Wirtz.

5 Shkurt 2025, 12:30 Nga DOSJA

Real Madridi, po “projekton” një goditje të dyfishtë

SPANJE - Real Madridi me siguri është gati të kthejë një faqe të madhe në historinë e tij. Javët e fundit, disa media spanjole kanë pohuar se Carlo Ancelotti do të largohet nga posti i trajnerit në fund të sezonit, me një vit të mbetur nga kontrata e tij në kryeqytetin spanjol.

Që atëherë, thashethemet në lidhje me zëvendësimin e tij të mundshëm kanë marrë vrull me një pistë që përmendet vazhdimisht: ajo që çon te Xabi Alonso, ish-mesfushori i ‘Shtëpisë së Bardhë’ që u bë me sukses trajner në Bayer Leverkusen.

“Ata të dy janë nën kontratë dhe ndihen rehat”

Dhe nëse ai ndonjëherë vjen të vendosë përsëri valixhet e tij në Bernabeu, ai mund të marrë me vete talentin gjerman Florian Wirtz. Një goditje e madhe e dyfishtë që Florentino Perez ëndërron ta arrijë.

Megjithatë, Simon Rolfes, drejtori sportiv i klubit gjerman, nuk e sheh kështu dhe ka lëshuar një paralajmërim për klubin madrilen: "Ne besojmë se kemi një shans për t'i mbajtur Xabi Alonson dhe Florian Wirtz në klub përtej verës.

Ata të dy janë nën kontratë dhe ndihen rehat. Një kontratë e re për Wirtz? Ne ende duhet të sqarojmë disa detaje për lojtarët kryesorë të Real Madridit dhe Bayer”. Një mënyrë për të bërë presion ndaj Real Madridit, i cili do të duhet të jetë bindës, me argumente financiare.

B.T (Dosja.al)

Sondazh

Poll

MË SHUMË