Sport

“Luftë” ndaj La Ligas! Reali akuzon për korrupsion, reagim i ashpër nga Tebas…

‘Los Blancos’ kanë dërguar një letër proteste pas asaj që ata e konsiderojnë si një tjetër padrejtësi: dështimin për të përjashtuar lojtarin në ndeshjen e humbur kundër Espanyol.

5 Shkurt 2025, 10:00 Nga DOSJA

“Luftë” ndaj La Ligas! Reali akuzon për korrupsion, reagim

SPANJE - Mosdhënia e kartonit të kuq për Carlos Romero të Espanyol për një ndërhyrje të ashpër ndaj Mbappé ishte vetëm “kashta që theu kurrizin e devesë” së zemërimit të Real Madridit.

Një zemërim që bëri që kompania e Florentino Perez t'i dërgonte një letër të gjatë La Ligës, e cila madje cilësohet si "e manipuluar dhe e korruptuar", në të cilën ata kërkojnë të publikohet audio e bisedës mes fushës dhe dhomës e VAR-it.

Ata propozojnë dhe një rishikimi i plotë të sistemit spanjol të arbitrimit i shënuar nga 'Çështja Negreira', me 8.4 milionë euro të paguara gjatë 18 viteve nga Barcelona për ish-numrin dy të komitetit të arbitrave.

Javier Tebas, presidenti i La Ligës, i është përgjigjur menjëherë letrës, duke nënvizuar faktin se Real Madrid votoi kundër reformës së sistemit të arbitrazhit në vitin 2023. Tebas, pa i grirë fjalët, e lidh faktin me situatën e ndryshme në kohën kur

“Kryesia e Federatës Spanjole të La Ligës ishte Luis Rubiales dhe presidenti Perez ishte në bordin e drejtorëve të federatës së futbollit”, duke theksuar se Reali ishte paraqitur si palë aktive në gjyqin e çështjes Negreira vetëm më vonë.

Me pak fjalë, nuk do të jetë një situatë e lehtë për arbitrin e derbit madrilen të shtunën, që llogaritet edhe për epërsinë. Ndërkohë, në prag të ndeshjes së Kupës së Mbretit kundër Leganes, Ancelotti tha fjalën e tij për këtë çështje:

"Ne po kërkojmë vetëm një shpjegim për atë që ka ndodhur me Espanyol. Nëse nuk na japin këtë shpjegim, do të thotë se atje është një problem dhe dikush duhet ta zgjidhë atë që ka ndodhur kundër Espanyolit, paraqet një mundësi për të ndryshuar diçka,” tha trajneri italian i Real Madridit.

B.T (Dosja.al)

Sondazh

Poll

MË SHUMË