Politike

"Vota e çuar tek të tjerët është një gur i hedhur në ujë", Rama thirrje diasporës: Futuni në faqen e KQZ dhe regjistrohuni për të votuar në 11 maj

Në videon nga fjalimi i tij i djeshëm në Kuvendin Rinor Kombëtar të PS, Rama thotë kjo parti ishte ajo që "ia ngriti kokën Shqipërisë në Europë dhe botë".

2 Shkurt 2025, 09:34 Nga r.ll
"Vota e çuar tek të tjerët është një gur i
edi rama

TIRANË- Kryeministri Edi Rama ka ndarë në rrjetet e tij sociale një video nga fjalimi i tij i djeshëm në Kuvendin Rinor Kombëtar të Partisë Socialiste. Rama iu bëri thirrje të gjithë shqiptarët që jetojnë jashtë vendit për t’u regjistruar në zgjedhjet e 11 majit dhe për të votuar për PS. Sipas kryeministrit kjo parti "ia ngriti kokën Shqipërisë në Europë dhe botë". Në fjalimin e Ramës nuk kanë munguar dhe ironitë për opozitës, ku thotë se "vota e çuar diku tjetër është një gur i hedhur në ujë".

“Nëse nga sot në 100 ditë, votave të shqiptarëve të Shqipërisë do t’u shtohen për herë të parë edhe votat e shqiptarëve të Europës dhe botës kjo do të thotë se ne luftuam, duruam, por në fund bëmë këtë që premtuam, dhe kush ndër ta mendon se ne ia ngritëm kokën Shqipërisë në Europë dhe botë duhet të duhet të regjistrohet pa humbur kohë që me votën e vet për PS të investojë për rritjen e mëtejshme të prestigjit të këtij vendi dhe të bëjë të mundur që fëmijët e sotëm të jenë qytetarë kryelartë dhe të barabartë mes të barabartësh në familjen e bashkuar evropiane.

Kush na ndjek nga jashtë vendit në këtë moment, duhet ta ketë parasysh se afati i fundit i regjistrimit si zgjedhës nga aty ku janë është data 4 mars, mos e lini për ditën e fundit, por futuni në faqen e KQZ dhe regjistrohuni për të votuar në 11 maj dhe mos e vini kurrë në dyshim: vota e çuar diku tjetër është një gur i hedhur në ujë, në kënetën e një opozite bretkosash, e cila ka në krye një buf kënete. Vota e sjellë tek ne është një gur i vendosur në muret e reja të shtetit modern europian shqiptar të cilat po shtrihen dhe po forcohen vit pas viti në të gjitha fushat e jetës shqiptare për tju bashkuar për pak vite kalasë së Europës së bashkuar, ku më në fund do të valëvitet dhe flamuri më i bukur në botë”, shprehet Rama.

edi rama vota e diaspores

Sondazh

Poll

MË SHUMË