Aktualitet

FOTO+EMRI/ Zhduket në Londër 19-vjeçari shqiptar, Policia kërkon ndihmën e qytetarëve

Cena ditën që është parë për herë të fundit kishte thënë se do të shkonte në dyqanin lokal rreth orës 15:17 të mërkurën, më 22 janar 2025.

26 Janar 2025, 20:54 Nga I.A

FOTO+EMRI/ Zhduket në Londër 19-vjeçari shqiptar, Policia

Rogers Cena

LONDËR- Një 19-vjeçar shqiptar është shpallur i zhdukur në Angli. Policia londineze me anë të një postimi në X, bën me dije se Rogers Cena është raportuar si i zhdukur nga Peckham.

Në jug-lindje të Londrës, Peckham njihet si një zonë problematike e me kriminalitet të lartë. Cena ditën që është parë për herë të fundit kishte thënë se do të shkonte në dyqanin lokal rreth orës 15:17 të mërkurën, më 22 janar 2025.

Që atëherë, nuk është parë më. Sipas policisë së Londrës, Rogers ka humbur telefonin e tij, i cili është gjetur në ëaltham Cross.

“Jo vetëm që ky është një i ri jashtëzakonisht i cenueshëm, por telefoni ishte i vetmi mjet që ai kishte për të kontaktuar familjen e tij. Ju lutem, ndihmoni ta kthejmë këtë djalë pranë familjes së tij“, shkruan policia londineze.

Police are concerned about the whereabouts of 19-year-old Rogers Cena, and are appealing to the public's help to trace him.
He was last seen around Peckham High Street on Tuesday, 22 January at 15:00hrs and reported (cont) https://t.co/HPfi4Sdm3q pic.twitter.com/Ai8j7KIVEE
— Southwark Police | Central South BCU (@MPSSouthwark) January 26, 2025