Sport

Portieri Szczęsny pranon gabimet: "Balde nuk më dëgjoi, por ishte gabimi im. Ashtu si edhe në rastin e golit të tretë"...

"Pritja e gjuajtjes së Di Marías nuk ishte justifikim, ishte mënyra ime e vetme për të ndihmuar, pasi ne po bënim presion për të fituar dhe u mbrojtëm me vetëm dy lojtarë”.

23 Janar 2025, 09:30 Nga DOSJA

Portieri Szczęsny pranon gabimet: "Balde nuk më dëgjoi, por

SPANJE - Wojciech Szczęsny bëri disa gabime në ndeshjen e Barcelonës kundër Benficas, me dy gabime të rënda në pjesën e pare, të cilët u kthyen në gola për kundërshtarët.

Duke folur për gabimin e tij të parë, kur ai rrëzoi Alejandro Balde për të lejuar Benficën të shënonte golin e tyre të parë, Szczęsny tha: "Unë mendoj se koha e ndërhyrjes time ishte e mirë, por Balde nuk më dëgjoi. Për fat, ishte vetëm një gol dhe në fund ne fituam. Këto gjëra ndodhin kur të dy lojtarët përpiqen të marrin topin, unë bërtita, por ai nuk më dëgjoi, ishte pak komike, por ne fituam”.

Sa i përket gabimit të dytë, që çoi në golin e tretë të Benficës, Szczęsny humbi topin dhe më pas shkaktoi një penallti. "Për golin e tretë, mendova se nuk kishte asnjë kontakt në fushë, por pasi pashë përsëritjen, ishte një penallti. Unë e pranoj gabimin tim atje," tha Szczęsny.

Para përfundimit të ndeshjes, Szczęsny bëri një pritje të shkëlqyer ndaj Angel Di Maria, duke penguar Benficën të kalonte në avantazh. Megjithatë, portieri nuk e sheh atë pritje si justifikim.

"Pritja e gjuajtjes së Di Marías nuk ishte justifikim, ishte mënyra ime e vetme për të ndihmuar, pasi ne po bënim presion për të fituar dhe u mbrojtëm me vetëm dy lojtarë. Mund të kishim pranuar 4-4, por ne donim fitoren. Kjo është kultura e Barçës,” këmbënguli Szczęsny.

B.T (Dosja.al)