Aktualitet

Lëvizte me armë zjarri në rrugë, arrestohet 44-vjeçari në Kamëz

Policia bën të ditur se i arrestuari kishte leje për mbajtjen e armës vetëm në banesë, por jo jashtë saj.

21 Janar 2025, 13:52 Nga E. D

Lëvizte me armë zjarri në rrugë, arrestohet

KAMËZ- Një 44-vjeçar, është arrestuar në Kamëz pasi qarkullonte i armatosur. Policia bën të ditur se i arrestuari kishte leje për mbajtjen e armës vetëm në banesë, por jo jashtë saj. Gjithashtu është sekuestruar arma tip pistoletë bashkë me një sasi municioni luftarak, që mbante me vete 44-vjeçari. Grupi hetimor ka nisur hetimet për zbardhjen e rrethanave dhe motiveve, të cilat detyruan 44-vjeçarin të thyente lejen për mbajtjen e armës, jashtë banese.

Njoftimi i Policisë:

Me armë zjarri pistoletë, në rrugë, në cenim të autorizimit që kishte për ta mbajtur armën, në banesë, kapet nga Forca e Posaçme “Shqiponja”, 44-vjeçari. Sekuestrohet arma, së bashku me municionin e saj. Gjatë patrullimeve me objektiv garantimin e rendit dhe sigurisë publike, shërbimet e Forcës së Posaçme “Shqiponja” konstatuan shtetasin H. T., 44 vjeç, i cili lëvizte në rrugë, i armatosur me pistoletë.

Menjëherë, është bërë ndalimi i këtij shtetasi, i cili nga verifikimet e kryera, rezultoi se kishte autorizim për ta mbajtur armën e zjarrit, por vetëm në banesë. Në përfundim të veprimeve procedurale, specialistët për Hetimin e Krimeve të Komisariatit të Policisë Nr. 5 arrestuan në flagrancë 44-vjeçarin, si dhe materialet procedurale ia referuan Prokurorisë së Tiranës, për veprime të mëtejshme.

policia e tiranes

Sondazh

Poll

MË SHUMË