Bota

Rrëzimi i avionit në Korenë e Jugut, gjenden pendë zogjsh në të dy motorët

Para përplasjes, piloti dërgoi një sinjal shqetësimi për goditjen e shpendëve dhe më pas ndërpreu përpjekjen e tij të parë për ulje. Në përpjekjen e dytë, rrotat nuk dolën për ulje.

17 Janar 2025, 14:45 Nga N.F
Rrëzimi i avionit në Korenë e Jugut, gjenden pendë zogjsh
Avioni i rrëzuar

KORE- Pupla zogjsh u gjetën në dy motorët e Jeju Air Boeing që u rrëzua në fund të dhjetorit në Muan gjatë hetimit për shkakun e rrëzimit. Lajmin e kanë konfirmuar mediat koreano-jugore. Më 29 dhjetor 2024, një Jeju Air Boeing 737-800 me 181 pasagjerë në bord nga Bangkok u ul me bark në aeroportin Muan më pas për t'u përplasur me një mur në fund të pistës. Vetëm dy anëtarë të ekuipazhit i mbijetuan kësaj fatkeqësie më të rëndë ajrore në Korenë e Jugut.

Ekspertët nga Koreja e Jugut dhe SHBA, përfshirë njerëz nga Boeing, po kryejnë hetimet. Para përplasjes, piloti dërgoi një sinjal shqetësimi për goditjen e shpendëve dhe më pas ndërpreu përpjekjen e tij të parë për ulje. Në përpjekjen e dytë, rrotat nuk dolën për ulje.

Kreu i hetimit u tha gazetarëve javën e kaluar se u gjetën krahë në një nga motorët, duke theksuar megjithatë se një përplasje me një zog nuk shkakton menjëherë dëmtim të motorit.

“Duhet të shohim nëse kjo ka ndikuar në të dy motorët. Është e sigurt që një motor është përplasur me një zog”, tha ai.

Një vështirësi shtesë vjen nga fakti se kutitë e zeza të avionit ndaluan regjistrimin katër minuta para rrëzimit. Aeroporti Muan do të qëndrojë i mbyllur deri më 19 janar, sipas një deklarate nga Ministria e Transportit e Koresë së Jugut.

rrezimi i avionit ne korene e jugut

Sondazh

Poll

MË SHUMË