Bota

Shkatërrimi i raketës së Space X dhuron spektakël në qiell, Musk poston videon: Suksesi është i pasigurt, por argëtimi është i garantuar

Starship 121 metra e gjatë u ngrit nga Teksasi i Jugut, por rreth 8 minuta më vonë Space X humbi kontaktin me të pasi motorët e tij u fikën.

17 Janar 2025, 10:27 Nga r.ll
Shkatërrimi i raketës së Space X dhuron spektakël në
pamje ng shkaterrimi i raketes

SHBA- Nisja e shtatë e raketës së Space X në hapësirë ​​ka përfunduar me gjysmë sukses, pasi përforcuesi mund të jetë rikthyer i sigurt, por raketa kryesore Starship u shkatërrua në atmosferë dhe mbetjet e saj të copëtuara dhuruan spektakël në qiell. 

Këtë e ka komentuar edhe vetë pronari i Space X, Elon Musk, i cli shkruan në postimin e tij në "X" se "suksesi është i pasigurt, por argëtimi është i garantuar". Postimin e ka shoqëruar edhe me video nga momenti i shkatërrimit të raketës kryesore.

Starship 121 metra e gjatë u ngrit nga Teksasi i Jugut, por rreth 8 minuta më vonë Space X humbi kontaktin me të pasi motorët e tij u fikën.

Duke shpjeguar atë që ndodhi, Musk shkroi në një postim tjetër se “indikacionet e hershme tregojnë një rrjedhje oksigjeni/karburant në zgavrën mbi murin e motorit të raketës, e cila ishte mjaft e madhe për të krijuar një presion më të madh se kapaciteti i ventilimit. Përveç kontrollit të dukshëm të dyfishtë për rrjedhje, ne do të shtojmë një mekanizëm kundër zjarrit dhe ndoshta do të rrisim zonën e ventilimit. Asgjë deri më tani nuk sugjeron që ne do të duhet të shtyjmë lëshimin e ardhshëm deri në muajin e ardhshëm."

Por edhe pas kësja, Space X ka arsye për të festuar pasi, për herë të dytë, raketa përforcuese e Starship është rikthyer në Tokë e paprekur. Fluturimi ishte i shtati për raketën e përmirësuar Starship, e cila është hapi tjetër në përpjekjet e Elon Musk për të ndërtuar anijen e parë kozmike të ripërdorshme për të transportuar njerëzit në Mars.

elon musk space x starship

Sondazh

Poll

MË SHUMË