Sport

Presidenti Laporta krenohet me 4 shtyllat e drejtimit të tij: “Nuk jemi dorëzuar kurrë!”

Presidenti i Barçës ka vlerësuar përpjekjet e bordit të drejtorëve të tij në përmbushjen e strategjisë së përshkruar në fillim të mandatit të tij.

14 Janar 2025, 19:01 Nga DOSJA
Presidenti Laporta krenohet me 4 shtyllat e drejtimit të tij: “Nuk
Joan Laporta, i rrethuar nga stafi i tij, pasi Barça u bë fituese e Superkupës në Arabi

SPANJE - Joan Laporta nuk e ka humbur rastin të nxjerrë në pah se cilat janë, sipas fjalëve të tij, katër shtyllat e menaxhimit të mandatit të tij. Kështu e shpjegoi ai gjatë konferencës për shtyp, që ofroi për mediat këtë të martë për të shpjeguar se si është zhvilluar procesi i regjistrimit të lojtarëve Dani Olmo dhe Pau Víctor:

"Katër vjet më parë (partnerët) na e besuan ne drejtimin e klubit. Atëherë ne jemi bazuar në katër shtylla: Rritja e të ardhurave, ulja e faturës së pagave të ekipit të pare, me premisën që ekipi të mos humbiste konkurrencën, gjithashtu shtylla e tretë ishte të mos vihej në rrezik pasuria shoqëruese model dhe e katërta ishte, se rikuperimi nuk do të bënte që partnerët të gërmojnë thellë në xhepat e tyre. 

Presidenti i Barçës vijoi me shpjegimet e tij: "Kjo ka përfunduar. Në mënyrë të tillë që nuk është improvizuar, as rastësisht, as nga impulsi i presidentit. Është bërë sepse kemi punuar mirë. Që në fillim ne kemi konsoliduar një strategji plani, që është shumë i detajuar dhe i vlerësuar çdo javë nga organet e klubit.

Laporta është krenar për rezultatet e arritura gjatë pjesës së parë të mandatit të tij dhe shtoi: "Gjithashtu falë talentit, njohurive, inteligjencës dhe guximit të drejtuesve të klubit kemi këto arritje. Ata po punojnë shumë mirë. Ne nuk jemi dorëzuar kurrë. Dhe kjo është arritur sepse ne e duam Barçën”, përfundoi ai.

B.T (Dosja.al)

Sondazh

Poll

MË SHUMË