Aktualitet

Publikohen datat e zhvillimit të provimeve të Maturës Shtetërore 2025

Bëhet me dije se të gjitha provimet do të fillojnë në orën 10:00 dhe do të zgjasin 2 orë e 30 minuta.

14 Janar 2025, 13:06 Nga r.ll
Publikohen datat e zhvillimit të provimeve të Maturës
foto ilustruese

TIRANË- Ministria e Arsimit ka bërë publike data e zhvillimit të provimeve të Maturës Shtetërore 2025. Provimi i Gjuhës së Huaj do të zhvillohet më 3 qershor, i Gjuhës Shqipe dhe Letërsia më 10 qershor, i Matematikës më 17 qershor ndërsa provimi me zgjedhje me 24 qershor. Bëhet me dije se të gjitha provimet do të fillojnë në orën 10:00 dhe do të zgjasin 2 orë e 30 minuta.

NJOFTIMI I PLOTË:

Organizimi dhe zhvillimi i provimeve të Maturës Shtetërore janë si më poshtë:

3 qershor: Gjuha e Huaj
10 qershor: Gjuha Shqipe dhe Letërsia
17 qershor: Matematika
24 qershor: Provimi me Zgjedhje

Provimi me zgjedhje ofron një gamë të gjerë lëndësh, duke përfshirë: Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti

Të gjitha provimet do të fillojnë në orën 10:00 dhe do të zgjasin 2 orë e 30 minuta.

Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet më të larta të transparencës dhe korrektësisë.

Publikohen datat e zhvillimit të provimeve të Maturës

ministria e arsimit

Sondazh

Poll

MË SHUMË