Aktualitet

Merrte porosi në WhatsApp, kapet në flagrancë shqiptari në Itali, po i shiste drogë një 50-vjeçari

Karabinierët po kontrollonin zonën e Colonnella, në Rimini kur vunë re një makinë të vogël duke bërë lëvizje të dyshimta pranë një pallati.

10 Janar 2025, 22:15 Nga N.F
Merrte porosi në WhatsApp, kapet në flagrancë shqiptari në
Foto ilustruese

ITALI- Autoritetet italiane kanë arrestuar në flagrancë një 30-vjeçar shqiptar për trafik kokaine.  Karabinierët po kontrollonin zonën e Colonnella, në Rimini kur vunë re një makinë të vogël duke bërë lëvizje të dyshimta pranë një pallati. Nga veprimet e dyshimta u bë e mundur edhe pikasja trafikut të lëndëve narkotike.

Shoferi i dorëzoi një pako një personi që kishte hipur në mjet dhe në këmbim mori një kartëmonedhë 50 euro. Të dy u ndaluan menjëherë. Blerësi, një 50-vjeçar nga Rimini, kishte me vete një mbështjellës kokaine të blerë së fundmi. 30-vjeçari shqiptar, banues në provincën e Veronës, por me banim të përkohshëm në San Marino, kishte fshehur tetë doza të së njëjtës substancë në pjesët e tij intime. 

Oficerët sekuestruan edhe 700 euro para të gatshme dhe një peshore precize. Nga hetimet rezultoi se i arrestuari dërgonte drogë në shtëpi me porosi të marra përmes WhatsApp. Nga kontrolli i banesës së tij në San Marino u zbulua material paketimi dhe 3000 euro të tjera cash. Shqiptari është vënë në dispozicion të organeve të drejtësisë dhe do të gjykohet menjëherë.

arrestohet shqiptari ne itali droge

Sondazh

Poll

MË SHUMË