Politike

"Tentativë që duart të lajnë fytyrat që nuk mund të lahen!" U paraqit në SPAK për kallëzimin e gjyqtares Gjoka, Argita Malltezi: Vë në dyshim standardin e dyfishtë të kësaj godine

Malltezi u thirr në SPAK në lidhje me kallzimin e bërë në SPAK, më 19 tetor nga ish-kryetarja e GJKKO, Irena Gjoka e cila ka kërkuar nga SPAK që të hetojnë deklaratat e Argita Berishës e cila e akuzon gjyqtaren se është filmuar duke i kërkuar 500 mijë euro një ish-eksponenti të PS. 

9 Janar 2025, 09:33 Nga M.B
"Tentativë që duart të lajnë fytyrat që nuk mund
Argita Malltezi

TIRANA- Vajza e kreut të Partisë Demokratike, Sali Berisha, Argita Malltezi, është paraqitur sot në Prokurorinë e Posaçme ndërsa në një deklaratë për mediat pas daljes, ajo dha detaje nga çfarë ndodhi brenda godinës.

Malltezi u thirr në SPAK në lidhje me kallzimin e bërë në SPAK, më 19 tetor nga ish-kryetarja e GJKKO, Irena Gjoka e cila ka kërkuar nga SPAK që të hetojnë deklaratat e Argita Berishës e cila e akuzon gjyqtaren se është filmuar duke i kërkuar 500 mijë euro një ish-eksponenti të PS. 

Pas daljes Malltezi tha se pyeti a ekziston një video e tillë, a e disponon SPAK një video të tillë që e ka gjetur rastësisht në shtëpinë e një gazetari të larguar nga Shqipëria. Malltezi tha se vë në dyshim standartin e dyfishtë godinës së SPAK.

“Gjyqtarja Gjoka ka kërkuar të hetohet për kallëzim të rremë ndaj meje dhe SPAK ka hapur procedim me kërkesën e saj. Në një tentativë që duart të lajnë fytyrat që nuk mund të lahen.

Sigurisht që pyetjet e mia, janë pyetje dhe çdo tentativë për të mbyllur gojën e pyetjeve dhe opononencës, është një tentativë për të nxjerrë institucionet publike nga kontrolli publik. Dhe është një tentativë që do të dështojë pa asnjë dyshim.

Ju keni qenë prezent mediatikisht në atë periudhë. Unë i jam referuar shkrimeve që ekzistonin në media prej kohësh, të paktën qysh prej gushtit 2024, që e akuzonin zonjën në fjalë pikërisht për ato, të cilat ajo nuk i kundërshton dot, dhe nuk i ka kundërshtuar me sa m’u lexua në ekstraktet e atij akti, po për të cilën ka kërkuar Dumanin që t’i lajë fytyrën.

Vë në dukje standardin e dyfishtë të kësaj godine këtu që shumë shpejt do të kthehet në një muze të turpit të kapjes së drejtësisë,” tha Malltezi.

argita malltezi

Sondazh

Poll

MË SHUMË