Sport

Gil Manzano është zgjedhur për të drejtuar finalen e Superkupës së Spanjës...

Ortiz Arias dhe De Burgos Bengoetxea do të arbitrojnë gjysmëfinalet

6 Janar 2025, 14:04 Nga DOSJA

Gil Manzano është zgjedhur për të drejtuar finalen e

SPANJE - Superkupa po nisë dhe tashmë dihen ekipet e arbitrave që do të drejtojnë secilën nga tre ndeshjet që do të shenjtërojnë superkampionin e ri spanjol.

Gjysmëfinalja e parë, e cila do të përballë Athletic Club dhe FC Barcelonën të mërkurën, më 8 janar në orën 20:00 në stadiumin Al Jawhara në Jeddah, do të drejtohet nga Miguel Ángel Ortiz Arias, i ndihmuar nga Valentín Pizarro Gómez në VAR.

Të enjten radha do të jetë për Real Madrid dhe RCD Mallorca. Al Jawhara do të jetë sërish skena e një tjetër gjysmëfinaleje emocionuese të udhëhequr nga Ricardo de Burgos Bengoetxea. Daniel Trujillo Suarez do të jetë arbitri i caktuar për VAR.

Së fundi, pa e ditur se cilat nga skuadra do të arrijë në finalen e madhe të dielën në Jeddah, ajo që dimë është se cili ekip arbitrash do të drejtojë ndeshjen më të pritur. Jesús Gil Manzano do të jetë në krye të arbitrimit të betejës së fundit për Superkupën, ndërsa Javier Iglesias Villanueva do të jetë në VAR, për të ndihmuar gjyqtarin nga Extremadura.

B.T (Dosja.al)

Sondazh

Poll

MË SHUMË