Sport

Keane sulmon Alexander-Arnoldin: "Shko te Tranmere Rovers". Klubi modest përgjigjet: "Jo, ne jemi mirë, faleminderit!"

Skuadra e Ligës Dy (kategoria e katërt angleze) menjëherë përfitoi nga situata për t'u përgjigjur me një postim në Twitter.

6 Janar 2025, 08:30 Nga DOSJA

Keane sulmon Alexander-Arnoldin: "Shko te Tranmere Rovers". Klubi

ANGLI - Nuk ishte performanca më e mirë, të paktën nga pikëpamja mbrojtëse, që Trent Alexander-Arnold tregoi dje në Anfield kundër Manchester United: pas barazimit 2-2, mbrojtësi anësor pësoi disa kritika të ashpra në Angli.

Në veçanti, faza e tij e lojës me topin ishte në shënjestër, me Manchester United të Amorimit, që përfitoi disa herë për të sulmuar nga ana e tij.

Duke folur për Sky Sports, ish-mesfushori Roy Keane, ndërmjet të tjerash, tha për të: "Është shumë e lehtë. Ne flasim se sa i shkëlqyer është Trent në sulm, por si u mbrojt Trent sot? Zoti im, ai dukej si një nxënës shkolle.

Flitet se ai do të shkojë te Real Madridi. Duke pasur parasysh mënyrën se si mbrohet, ai duhet të shkojë te Tranmere Rovers.

Skuadra e Ligës Dy (kategoria e katërt) menjëherë përfitoi nga situata për t'u përgjigjur me një postim në Twitter: "Trent te Tranmere, Roy? Jo, ne jemi mirë, faleminderit."

B.T (Dosja.al)

 

Sondazh

Poll

MË SHUMË