Aktualitet

"I ka krahët e ngrohta, bëri ça i deshi qejfi!" Gazetarja Iva Korumi denoncon rastin: Erion Coka realizoi 3 njësi banimi mbi shtëpinë time, ja dëmi te muret nga tubacionet, institucionet ngrenë supet

Korumi thotë se teksa bëheshin ndryshimet për realizimin e njësive të banimit, në shtëpinë e saj nisën të shfaqeshin dëmet e para kryesisht nga fakti se tualetet ndodheshin mbi dhomat e banesës së saj.

2 Janar 2025, 16:12 Nga M.B
"I ka krahët e ngrohta, bëri ça i deshi qejfi!"
Fotoja e poblikuar nga Iva Korumi

TIRANA- Gazetarja Iva Korumi ka denoncuar një rast personal përmes rrjeteve sociale ku bën me dije se një person i quajtur Erion Coka ka realizuar mbi shtëpinë e saj 3 njësi banimi me qira ditore. Korumi thotë se teksa bëheshin ndryshimet për realizimin e njësive të banimit, në shtëpinë e saj nisën të shfaqeshin dëmet e para kryesisht nga fakti se tualetet ndodheshin mbi dhomat e banesës së saj.

Ajo thotë se shqetësuar prej ndryshimeve që po bënte në planimetrine e pallatit, gjithashtu se mbi dhomat e saj do të kishte 2 tualetet e reja, njoftoi IMT, IKMT dhe policinë. Gazetarja thotë se Erion Coka "i kishte krahët e ngrohta" dhe zërin e tyre si banorë të vjetër të pallatit, nuk e dëgjoi njeri.

Ajo shton se çështja shkoi në prokurori, pasi leja për ndryshim destinacioni nuk jepej nga Njësia Administrative, por, sipas saj, çeshtja u mbyll. Korumi thotë se sot në datë 2 janar, shtëpia e saj vijon të ketë dëme. Ajo thotë se u bënë 2 javë dhe asnjë masë nuk është ndërmarrë.

POSTIMI:

Ky qe shihni ne foton Nr. 1 (qarkuar me ngjyre jeshile) quhet Erion Coka, i cili ne Mars te 2024, mori nga Edisoni i njesise Nr. 7, leje rinovimi per nje apartament 100 m2, te cilin e bleu me leke ne dore. Ky apartament ndodhet siper apartamentit ku banoj une.

Erioni, edhe pse me nje leje per nderhyrje te mirembajtjes se zakonshme, e hodhi shtepine ne toke me qellim per t’a ndare ne 3 njesi banimi per qera ditore. Do te ngrihej niveli i dyshemese pasi do te realizoheshin nyje te reja hidraulike. Tualetet e reja do te ndertoheshin mbi dhomat e mia. Tubat e ujit, do te kalonin mbi tavanet e dhomave te shtepise sime sepse depozita qe do te furnizonte me uje apartamentet e Erionit, do te vendosej ne ballkon.

E shqetesuar prej ndryshimeve qe po bente ne planimetrine e pallatit (pallat i vjeter i kohes se Enverit), gjithashtu se mbi dhomat e mia do te kisha 2 tualetet e reja te Erionit, therras IMT, IKMT, Polici. Por Erioni i kishte krahet e ngrohta…dhe zerin tone si banore te vjeter te pallatit, nuk e degjoi njeri. Ceshtja shkoi ne prokurori, pasi leja per ndryshim destinacioni nuk jepej nga Njesia Administrative. Por ceshtja u mbyll dhe Erioni beri ca i deshi qejfi.

Ai i realizoi 3 apartamentet e tij dhe tani i ka dhene me qera ditore. Ne, banoret e vjeter te shkalles ku une jetoj, torturohemi nga zhurmat e personave qe marrin me qera ditore apartamentet. Erioni nuk ka bere asnje izolim per zhurmat e klienteve te tij. Jemi pa gjume edhe prej zhurmes se pompes, pasi Erioni na ka vendosur depozite uji ne ballkon. Erioni per cdo shqetesim qe na ka sjelle, ka vetem nje pergjigje: “Jam ne pronen time, bej cte dua”.

Sot ne dt 2 Janar, une po ju tregoj gjendjen e tavanit te dhomes se ndenjes ne apartamentin ku une jetoj, si pasoje e tualeteve qe Erioni i ka bere mes shtepise. U be 2 jave dhe asnje mase deri tani. Perkundrazi Erioni vazhdon i jep me qera ditore apartamentet e tij edhe pse eshte njoftuar per demin qe ka shkaktuar. Policia ngre supet sepse thote qe nuk eshte me ceshtje e tyre, por e prokurorise. Si zgjidhet ky hall? Ju po te ishit ne vendin tim, cfare do kishit bere? Pergjigjet mi dergoni privat.

 

iva korumi

Sondazh

Poll

MË SHUMË