Aktualitet

Vrau bashkëshortin me sëpatë, Gjykata e Sarandës jep vendimin për Elvira Tahirajn 

Gjykata ka caktuar ndaj saj masën e sigurimit “shtrim i përkohshëm në një spital psikiatrik”.

26 Dhjetor 2024, 14:07 Nga r.ll
Vrau bashkëshortin me sëpatë, Gjykata e Sarandës jep
foto ilustruese

SARANDË- Gjykata e Sarandës ka marrë sot vendimin për Elvira Tahirajn, 49-vjeçaren e cila vrau me sëpatë bashkëshortin e saj.  Seanca është zhvilluar rreth orës 12.00, ku në përfundim të saj, gjykata ka vendosur të vlerësojë të ligjshëm arrestimin e 49-vjeçares për veprën penale “vrasja për shkak të marrëdhënieve familjare”. Gjithashtu gjykata ka caktuar ndaj saj masën e sigurimit “shtrim i përkohshëm në një spital psikiatrik”.

Gjatë seancës, Elvira Tahiraj u mbrojt nga një avokate e caktuar kryesisht nga shteti, ndërsa organet e drejtësisë kanë nisur hetimet për të përcaktuar rrethanat dhe motivet e ngjarjes tragjike. Gjithashtu pritet ekspertiza mjekësore që do të zbardhë gjendjen psikologjike të të dyshuarës në momentin e krimit.

Ngjarja është zbuluar kur vajza e çiftit ka gjetur të atin pa jetë rreth orës 08:00 të mengjesit, e cila duke kërkuar nënën e ka gjetur në derën e jashtmë të shtëpisë dhe më pas ka lajmëruar motrën e saj për ngjarje.  Ishin ato që njoftuan menjëherë policinë. Ngjarja ka tronditur banorët e zonës, ndërsa hetimet vazhdojnë për të zbuluar shkaqet që çuan në këtë akt fatal.n.

 

 

elvira tahiraj

Sondazh

Poll

MË SHUMË