Krahas vonesave, priten reshje shiu dhe bore në pjesën veriperëndimore të Paqësorit dhe stuhi në pjesën jugore të Shteteve të Bashkuara.
UASHINGTON – Në prag të fillimit të festave të fundvitit, kompania amerikane e fluturimeve “American Airlines” ndërpreu të martën fluturimet për një periudhë të shkurtër kohore për shkak të një problemi teknik ndërkohë që temperaturat e ftohta ndërlikuan planet e udhëtimit të amerikanëve.
Pas një ore ndërprerje, agjencia rregullatore e transportit e lejoi kompaninë që të rifillojnë fluturimet, ndërkohë që platformat që përcjellin fluturimet njoftuan se vonesat të martën kishin prekur 1,447 fluturime në Shtetet e Bashkuara dhe drejt këtij vendi.
Kompania ‘American Airlines’ u detyrua të ndalojë të gjitha udhëtimet, 3320 fluturime brenda Shteteve të Bashkuara gjatë ditës së martë dhe 581 fluturime ndërkombëtare, pas njoftimeve për një problem teknik që ndikoi në mbarë sistemin elektronik të kësaj kompanie ajrore. Por, zyrtarët e kompanisë thanë se kishin hapësirë për të menaxhuar vonesat.
Miliona amerikanë pritet të udhëtojnë brenda 10 ditëve të ardhshme. Sipas agjencisë amerikane për transportin, ky numër pritet të kapë shifrën prej 40 milionë pasagjerësh deri më 2 janar, ndërkohë që ditët më të ngarkuara pritet të jenë e enjtja, e premtja dhe e diela.
Krahas vonesave, priten reshje shiu dhe bore në pjesën veriperëndimore të Paqësorit dhe stuhi në pjesën jugore të Shteteve të Bashkuara.
Këto janë festat e para në Shtetet e Bashkuara që kur Departamenti i Transportit mori vendimin që i detyron linjat ajrore që të kompensojnë pasagjerët për vonesa apo anulime të fluturimeve.
Rreth 90 për qind e amerikanëve udhëtojnë me makina gjatë sezonit të festave, sipas organizatës ‘AAA’ që vëzhgon komunikacionin gjatë festave, ndër të tjera.
Këtë vit, çmimi i karburant është i ngjashëm me një vit më parë. Mesatarisht, 3.78 litra benzinë (një gallon) kushton 3.04 dollarë, ndërkohë që vitin e kaluar kjo mesatare ishte 3.13 dollarë. Pritjet në autostrada gjatë festave pritet të jenë rreth 30 për qind më të gjata./VOA
Taleb Abdulmohsenit GJERMANI- Mjeku 50-vjeçar nga Arabia Saudite, Taleb Abdulmohsenit, i cili u fut me makinën e tij në mes të turm&e...
foto ilustruese QIPRO- Një tërmet me magnitudë 4.3 ballë të shkallës Rihter ka ndodhur mbrëmjen e sotme, 24 dhjetor...
foto ilustruese DANIMARKË- Qeveria daneze ka njoftuar një rritje të madhe në shpenzimet e mbrojtjes për Greenlandën, disa or&...
foto ilustruese SHBA- Në Nju Jork, një 33 vjeçar po përballet me akuzat për vrasje dhe zjarrëvënie të qëllim...
bill clinton SHBA- Ish-presidenti Clinton doli nga një spital në Uashington të martën pasi u trajtua për grip, tha zëvend&eum...
Volodymyr Zelenskyy UKRAINË- Presidenti Volodymyr Zelenskyy ka uruar ukrainasit për Krishtlindje. Zelenskyy, tha se ukrainasit festojn...
foto ilustruese BALLKAN- Dhjetëra mijëra shtëpi në Bosnje dhe Hercegovinë ishin pa energji elektrike të martën për ...
foto ilustruese INDONEZI- Mali Tambora ndryshoi botën. Në 1815, vullkani indonezian shpërtheu në atë që ishte shpërthimi...
foto ilustruese SIRI- Gjatë dekadës së fundit, vendet evropiane kanë hapur dyert për më shumë se një milion azilk&e...
Asma al-Assad, Bashar al-Assad ANGLI- Qeveria angleze është paralajmëruar se gruaja britanike e tiranit sirian, Bashar al-Assad, duhet ...