Sport

De la Fuente bën bilancin: “Kemi gjetur dhe rikuperuar frymën e vitit 2010”…

Trajneri bëri një bilanc të një viti 2024, që tashmë është histori për futbollin spanjol.

24 Dhjetor 2024, 17:49 Nga DOSJA

De la Fuente bën bilancin: “Kemi gjetur dhe rikuperuar frymën e

SPANJE - Trajneri i kombëtares spanjole, Luis de la Fuente, ka rishikuar me mediat zyrtare të kombëtares se si ka qenë viti 2024.

Bilanci i vitit... "Objektivisht, viti 2024 është i vështirë për t'u përmirësuar. Unë gjithmonë them se duhet të përpiqemi të jemi më të mirë. Kemi kapacitet për t'u përmirësuar. Jemi të lumtur për sukseset që kemi arritur. Pika historike e fitores së të gjitha ndeshjeve në “Euro 2024”, fitimi i Kupës dhe të luash futboll shumë të mire, të japin një ndjenjë skuadre”.

Eurokupa 2024? "Në Eurokupën shkuam hap pas hapi dhe kuptuam se mund ta arrijmë. Kjo më dha një ndjenjë krenarie. Kemi rikuperuar frymën e vitit 2010, të cilës i referohesha gjithmonë. Na nxorri të gjithëve në rrugë”.

De la Fuente bën bilancin: “Kemi gjetur dhe rikuperuar frymën e

Fillimi i gjithçkaje… "Liga e Kombeve ishte fara e gjithçkaje që po arrihet aktualisht. Na vendosi në vitrinën e mediave ndërkombëtare, si një ekip i fuqishëm. Liga e Kombeve është, për mua, po aq e vështirë sa një Eurokupë. Për më tepër, ne ishim të parët që fituam dy tituj radhazi të Ligës së Kombeve.

Objektivi tjetër? "Ne të gjithë po shohim shtrembër në Kupën e Botës 2026. Është ngjarja më e rëndësishme në futboll, ‘par excellence’. Por për të arritur mirë në Kupën e Botës duhet të vazhdojmë të konsolidojmë idenë dhe projektin tonë."

Shëndeti i futbollit spanjol? "Futbolli spanjol është në gjendje shumë të mire shëndetësore. Futbollisti spanjol nuk dështon. Jo vetëm lojtarët e moshuar që bëjnë karrierën e tyre të zgjasë më shumë, por edhe të rinjtë, të cilët çdo ditë e më shpejt arrijnë elitën."

B.T (Dosja.al)